Araweelo News Network
Jigjiga (ANN)- Wefti uu hoggaaminayo Guddoomiyaha, ahna murrashaxa jagada Madaxweynaha xisbiga KULMIYE Md. Muuse Biixi Cabdi oo maalmihii u dambeeyey socdaal shaqo u joogay caasimadda Addis Ababa, ayaa soo gaadhay magaalada Jigjiga ee xarunta Degaanka Ismaamulka Soomaalida dalka Itoobiya.
Guddoomiye Biixi oo ay wehelinayaan Wasiirka Arrimaha Gudaha Somaliland Wasiirka Arrimaha Gudaha Yaasiin Xaaji Maxamuud Xiir (Faratoon) iyo Wasiirkii hore ee Warfaafinta Md. Axmed Xaaji Daahir oo ka tirsan golaha dhexe ee KULMIYE, ayaa ku tagay Jigjiga marti qaad rasmi ah oo ay ka heleen Madaxweynaha Degaanka Ismaamulka Soomaalida Itoobiya Md. Cabdi Maxamed Cumar.
Weftiga Guddoomiyaha oo ka soo degay garoonka diyaaradaha ee magaalada Jigjiga duhurkii maanta, waxa ku qaabilay gegida diyaaradaha madax ka tirsan Deegaanka Ismaamulka Soomaalida Itoobiya oo ay ka mid yihiin; Afhayeenka Baarlamanka dawlad-degaanka Soomaalida Md. Maxmed Rashiid Isaaq, Madaxweyne-ku-xigeenka, ahna madaxa Beeraha Marwo Sucaad Axmed Faarax, Ku-xigeenka Xafiiska Maamulka dawlad-degaanka Md. Deeq Cabdillaahi Buraale iyo Wasiirka Ganacsiga Md. Khadar Cabdi Ismaaciil.
Guddoomiyaha KULMIYE iyo xubnaha weftiga wehelinaya, ayaa lagu wadaa inay ku sugnaan doonaan magaalada Jigjiga maalmaha soo socda, isla markaana kulamo dhexmari doonaan Madaxweynaha dawlad-degaanka Soomaalida Itoobiya.
Weftiga Guddoomiye Muuse Biixi oo ay hore xubno uga ahaayeen wasiirro iyo masuuliyiin kale oo ka tirsan xukuumadda Somaliland waxay hore magaalada Addis Ababa kulamo ugula soo yeesheen masuuliyiinta Itoobiya oo uu ka mid yahay Ra’iisal-wasaare Hailemariam Desalegn, kuwaas oo ay ka wadahad