X
    Categories: Warar

Guddida Coronavirus Ee Somaliland Oo Deeq $840,000.00 Ah Kala Wareegay Shirkadda Telesom

Cabdinaasir Aadan Nuur oo ka mid ah guddida sare ee shirkada Telesom oo madaxweyne ku-xigeenka Somaliland Cabdiraxmaan Cabdullaahi Ismaaciil Saylici oo ay wehelinayeen guddida heer Qaran ee ka ho-rtagga Xannuunka Covid-19 ku wareejiyay deeqda 20 May 2020, qasriga Madaxtooyada Somaliland. Araweelo News Network.

Hargeysa(ANN)-Guddida heer qaran ee ka hor-tagga Xannuunka Coronavirus #COVID-19, u qaabilsan Somaliland, ayaa maanta ka gudoomay Shirkadda Isgaadhiinta casriga ah eeTelesom Qaadhaan lacageed oo dhan $840,000.00 (Siddeed boqol iyo afartan kun oo doollar).

Deeqada qaadhanka ah oo ay shirkada Telesom kaga qayb qaadanayso qaadhaanka ay xukuumaddu ka dalbtaya ganacsatada iyo shirkaddaha si loogula tacaalo ka hor-taga Xannuunka Covid19, waxay shirkadda Telesom sheegtay in lacag dhan $640,000.00(Lix boqol iyo afartan kun oo doollar) oo kamida lacagtaasi ay kusoo iibiyeen qalab, Sidoo kalena waxay Guddida ku wareejiyeen $200,000.00 (Laba boqol oo kun oo doollar) oo Jeeg ah.

Madaxweyne ku xigeenka Jamhuuriyadda Somaliland ahna Guddoomiyaha Guddida ka hor-tagga Xannuunka Coronavirus, Cabdiraxmaan Cabdullaahi Ismaaciil (Saylici), ayaa ka gudoomay shirkadda Telesom qalabkaa iyo lacagta cadaanka ah.

Munaasibada lagula kala wareegay deeqda oo ka dhacday qasriga Madaxtooyadda Somaliland halkan ka daawo.

admin: Arraale Mohamoud Jama is a highly experienced freelance and investigative journalist, writer, and human rights activist with over two decades of work in journalism and advocacy. His focus areas include: - Human rights - Politics and security - Democracy and good governance He has contributed to Somaliland newspapers and collaborated with human rights organizations. In 2008, he founded Araweelo News Network, is a Associated Online Agenciesa platform covering regional and international news, which he continues to manage. Contact Information: -Email: Info@araweelonews.com | jaamac132@gmail.com - Phone/SMS/MMS/WhatsApp: +252 63 442 5380 Twitter fallow us @Araweelonews Falow us Facebook: [@Araweelonews )
Related Post