#Araweelo_News_Network
Hargeysa (ANN) – Guddida Anshaxa iyo Kormeerka Doorashooyinka Jamhuuriyadda Somaliland, ayaa maanta ganaaxyo lacageed ku xukumay Xisbiyada Waddani, Kulmiye.Ururka Kaah iyo sidoo kale, masuuliyiin ka tirsan xukuumadda iyo gollaha degaanka degmada Hargeysa.
Gudiddu waxay sheegeen in Xisbiyada iyo Ururka ay jebiyeen xeerka anshaxa, iyagoo sidaa si lamid ah ay masuuliyiinta ay sheegeen ku gafeen nidaamka iyo xeerarka Olollolaha iyo isu soo baxa, waxayna si cad u sheegeen gudiddu in ganaaxyada kala duwan loo cuskaday kaddib markii ay caddaatay in ay jabiyeen Xeerka Anshaxa & Hab-dhaqanka Xisbiyada iyo Ururrada Siyaasadda Jamhuuriyadda Somaliland.
Go’aanka gudidda anshaxa ee ganaaxyada ayaa kusoo beegmay maalintii sideedaad ee ollolaha isu soo baxa oo si xaamasadaysan uga socda guud ahaan Somaliland, waxaana la arkayay meelaha qaar xilliyo kala duwan rabshado gacan ka hadal ay samaynayeen qaar ka mid ah taageerayaasha axsaabta KULMIYE iyo WADDANI.
Muuqaalkan ka Daawo Go’aanka Ganaaxyada Gudidda Anshaxa.