Muqdisho(ANN)-Baarlamaanka Dawladda Federaalka ah, ayaa sheegay xiliga la qabanayo doorashada Madaxweynaha Soomaaliya, kaddib markii maanta la shaaciyay guddi qaabilsan qaban qaabada doorashooyinka Madaxtinimada oo ay ku loolamayaan dhawr murrashax.
Kooxda Guddida qaban qaabada doorashada Madaxweynaha waxaa guddoomiye looga dhigay Cabdiraxmaan Ducaale Beylle oo hore usoo qabtay Wasiirka Arrimaha dibadda Soomaaliya.
Sidoo kale Baarlamaanka, ayaa sheegay in Doorashada madaxtinimada ee Dawladda Federaalka loo qorsheeyay in la qabto 8/2.2017, sida lagu sheeciyay qoraal kasoo baxay guddiga ayaa lagu faah faahiyay jadwalka doorashada madaxtinimada.
Musharixiinta, ayaa ka digay dhawrkii maalmood ee lasoo dhaafay, ayaa ka digay in doorashada madaxtinimada ay noqoto mid musuq maasuq iyo in la kala iibsado codadka xildhibaanada. Sidoo kale Culimada waaweyn ee Soomaaliya iyo qaybo kale oo ka mid ah bulshadda, ayaa ka digay in musuq maasuq lagu sameeyo.