<
Araweelo News Network
Garbahaarey(ANN)Diyaaradaha dagaalka ee Kenya, ayaa duqeeyay deegaan katirsan gobolka Gedo ee dhaca Koonfurta soomaaliya.
Sida at sheegayaan wararka hordhaca ah ee ka imanaya deegaankaa, waxay diyaaradaha Milateriga Kenya weerarkaa fuliyeen saaka waaberigii Tuulo Barwaaqo oo ku taal duleedka degmada Garbahaareey ee Koonfur galbeed Somalia.
Dadka deegaanka ayaa sheegay in duqeynta ugu horraysa ay ku dhacday Masjid jaamaca weyn ee Tuulo Barwaaqo daqiiqdo kadib markii laga baxay salaadii subax masjidka, iyadoo aanay dadka wax khasaare ah soo gaadhin, balse dhismaha Masjidku uu burburay.
Sidoo kale duqaynta lala beegsaday dugsiga, ayaa kusoo beegantay maalin khamiis ah oo Ardaydu fasax ka haayeen dugsiga, mana jiro wax khasaare nafeed oo ay geysteen duqaymaha saaka diyaaraddaha Milateriga Kenya ka fuliyeen deegaankaa.
Diyaaradaha Kenya, ayaa marar badan duqaymo ka fuliya deegaankaa iyo kuwo kale oo Koonfurta Somalia ah, waxayna waxyeelo u geystaan dadka rayidka ah.
Follow us: @Araweelonews on Twitter | Arraale M Jama
Araweelo News Network
Somaliland Office
Email info@araweelonews.com
Jaamac132@gmail.com
WhatsApp + 252 63 442 5380 Send an SMS or MMS to + 252 659107347