#Araweelo News Network
Muqdisho(ANN)-Madaxweynaha Dawladda Federaalka ee Soomaaliya, Xasan Sheekh Maxamuud, ayaa ugu baaqay shacbiga Magaalada Laascaanood in aan loo baahnayn dhiig daata, isagoo jeediyay in xiisadda Laascaanood looga baahanyahay dawladda Somaliland inay xaliso.
Laxidhiidha:
Wasiirka Arrimaha Guddaha Somaliland Maxamed Kaahin Oo Gaadhay Laascaanood
“Somaliland waxaan ugu baaqayaa Dadka Sool in lala hadlo, Qoriguna Xal maaha, ayuu yidhi, isagoo Dadka Laascaanood-na usoo jeediyay in aannay xabad iyo dhiig daata xal noqonayn, oo aan kahayr ku jirin, sidaa awgeed dhinaca wada hadalka xalka laga raadiyo.
“Dhibaato Al-shabaab ayaa nagaga filan, dawladda Somaliland iyo dadka Laascaanood waxaan leenahay in lays dilo 32 sannadood kaddib maaha nabada iyo taladana kusoo istaaga oo cunfiga iyo nacaybka iyo hadalada warbaahinta la marinayo hala joojiyo.” Ayuu yidhi.
“Dawladda Somaliland waxaan ugu baaqayaa in qorigu aannu xal ahayn ee dadkii dadka la hadli lahaa oo weliba hadalkooda ay dhegaysanayaan hal loo soo diro, “Callool waxay ku Bukooto laguma Daweeyo.” Ayuu yidhi, Madaxweyne Xasan Sheekh oo hadalkaa ka jeediyay munaasibad uu sidoo kale kaga hadlay dhibaatada dhanka amniga ee haysta dawladda Soomaaliya.
Dhinaca kale, wuxuu sheegay in aannay marnaba jeclayn dagaal iyo dhibaato, isla markaana ay ka damqanayaan meel walba oo dhibaato kasoo baxdo, sidaa awgeed wuxuu Madaxweyne Xasan Sheekh ku celceliyay in arrinta Laascaanood xalkeeda looga baahanyahay dawladda Somaliland.
Muuqaalkan Ka Daawo Madaxweynaha Soomaaliya. https://www.facebook.com/Araweelonews/videos
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
SUBSCRIBE to our YouTube channel for more videos: https://www.youtube.com/c/AraweeloTv @araweelonews /
By Arraale M Jama Freelance Journalist and Human Rights activist. Araweelo News Network. info@araweelonews.com