Araweelo News Network.
Dawladda Federaalka Soomaaliya Oo Ka Hadashay Saddex Haween Ah Oo Qaarkood Xaamilo Ahaayeen Oo La Dilay
Muqdisho(ANN)-Xukuumadda Federaalka ee Soomaaliya, ayaa ka hadashay saddex Haween ah oo laba ka mid ah ay lahaayeen Uur, kuwaas oo lagu dilay degmadda Dayniile ee Magaalada Muqdisho.
Saraakiisha Booliska Soomaaliya, ayaa ka hadlay dhacdadaa, waxaana la sheegay in saddexda haweenka ah oo laba ka mid ah ay hayeen walaalo la dilay xilli ay doonayeen subaxnimadii hore ee saaka in ay u shaqo tagaan dhimaha Wasaaradda Gaashaandhiga Soomaaliya oo ay la socdeen gaadiidka yar yar ee loo yaqaan Bajaajta.
Boolisku, waxay sheegeen in Haweenka ay dileen koox argagixiso ay ku sheegeen, wallaw aannay soo bandhigin caddaymo muujinaya kuwa ay yihiin kooxda argagixisada ee dilka foosha xun u geystay dumarkaa.
“Dumarka waxa toogtay dad argagixiso loo malaynayo, mana aha wax ku cusub bulshada Muqdisho in Haween hooyooyin ah oo Ubadkooda nolol u raadinaya la dilo oo ay kooxaha Argagixisadu dil arxandaran kula kacaan, waana la baadhayaa” ayaa lagu yidhi, qoraal ay Taliska Booliska Soomaaliya kasoo saareen dhacdadaa oo murugo iyo argagax ku riday shacbiga Magaalada Muqdisho.