Navigate
X

Dawladda Federaalka Ee Soomaaliya Oo Ku Yaboohday 190 Milyan Oo Doolar Iyo Deeq Talyaanigu Ku Wareejiyay

Araweelo News Network

 

Muqdisho(ANN)- Dawladda Federaalka ee Soomaaliya ayaa ku yaboohday deeq dib loogu dhisayo Jaamacadda Ummadda Soomaaliyeed faraceeda Gahayr, taas oo lagu qiimeeyay nashqadaynteeda 190 Malyan oo Doolar.

 

Ra’iisal Wasaaraha Xukuumadda Federaalka Soomaaliya Maxamed Xuseen Rooble oo goob-joog ka ahaa munaasibada lagu soo bandhigayay naqshadda cusub ee Jaamacadda Ummadda faraceeda Gahayr, isla markaana yabooh maaliyadeed loogu raadinayay dhismaha xarunta ayaa ugu baaqay bulshada Soomaaliyeed iyo saxiibada caalamka in laga qeyb qaato dib u dhiska Jaamacadda.

Sida lagu sheegay qoraal kooban oo kasoo baxay xafiiska ra’iisal wasaaraha Soomaaliya Maxamed Xuseen Rooble oo nuqul ka mid ah soo gaadhay shebekaddaha Araweelo News Network, Xaruntii Gahayr ee Jaamacadda Ummadda Soomaaliyeed oo bur-bur xooggan ka soo gaadhay dagaalladii dalka ka dhacay ayaa lagu qiimeeyey dhaqaalaha ku baxaya 190 Malyan oo Doolar, waana taas sababta keentay in la qabto barmaanijkaan dhaqaalaha loogu raadinayo.

Ra’iisal Wasaaraha ayaa tilmaamay in uu kamid ahaa ardaydii ka soo baxday xarunta Gahayr, isla markaana uu garanayo qiimaha iyo ahmiyadda ay ugu fadhido bulshada Soomaaliyeed in dib loo howlgeliyo muddo soddon sano ah kaddib, xukuumaddiisuna ay kaalin mug leh ka geysan doonto.

Dhinaca kale, Wasiirka Arrimaha Dibedda Soomaaliya Maxamed Cabdirisaaq Maxamuud iyo Wasiir Ku-xigeenka Arrimaha Dibedda Talyaaniga Marwo Emanuela Del Re ayaa kala saxiixday heshiis ku qotoma xoojinta iskaashiga labada dal.

Dowladda Talyaanigu waxay ku wareejisay Soomaaliya deeq loogu talagalay wax ka qabashada duufaantii dhowaan ku dhufatay Puntland ee Gati, sida lagu sheegay qoraalka kasoo baxay Villa Somalia, balse qoraalka laguma xusin inta ay tahay deeqda dawladda Talyaanigu wareejisay.

admin: #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/
Related Post
  1. Somaliland: Hawlgalka Booliska Ee Amniga Caasimada Oo Lagu Qabtay Boqolaal Hubka Aan Sanqadhin

    #Araweelo_News_Network Hargyesa (ANN)- Taliska Ciidanka Booliska Somaliland ayaa soo bandhigay hubka gacanta lagu qaato ee…

  2. Madaxweynaha Somaliland Oo Ka Hadlay Heerka shaqo la’aanta iyo Qorshaha Qaranka uu Hoggaaminayo

    #Araweelo_News_Network Hargeysa (ANN)- Madaxweynaha Jamhuuriyadda Somaliland Cabdiraxmaan Maxamed Cabdilaahi (Cirro) ayaa maanta si rasmi ah…

  3. Madaxweynaha Somaliland Oo Madaarka Boorama Iyo Mashaariic Uu Ku Fulinayo Balamihiisa Gobolka Bilaabay

    Madaxweynaha Ayaa Shacabka Ugu Busheereeyay inuu Dalkiisa Imanayo Ugaas Doodi Oo Dibad-meer ahaa muddo dheer…