X
    Categories: Warar

Dagaalyahanno ka Tirsanaa Al-shabaab oo ku Dhintay Qarax

Araweelo News Network

Muqdisho (ANN) Laba xubnood oo la sheegay inay ka tirsanaayeen dagaalyahannada kooxda Al-shabaab ayaa ku dhintay qarax ka dhacay duleedka magaalada Muqdisho habeennimadii Khamiista.
Wakaaladda wararka maamulka Soomaaliya ee SONNA, ayaa baahisay shalay in labadaas qof oo ka mid ahaa saddex xubnood Al-shabaab ah, kuwaas oo ay ku qaraxday miino ay doonayeen inay ku aasaan jidka Ex. kaantaroolkii hore ee magaalada Muqdisho.
Guddoomiyaha Degmada Heliwaa ee Gobolka Banaadir Mr. Maxamed Axmed Xaashi (Qoslaaye) ayaa u sheegay wakaaladda SONNA in dagaalyahanka saddexaad ee ka badbaaday qaraxaasi baxsaday.
Ciidammada ammaanka maamulka taagta daran ee Muqdisho, ayaa iyaguna dhankooda warbaahinta u sheegay inay dabagal iyo baadhitaanno ku samayn doonaan qaraxa galaaftay xubnaha Al-shabaab iyo cidda ay la damacsanaayeen.

admin: #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/
Related Post