Araweelo News Network
Garoowe(ANN)-Ciidamada qaranka Somaliland, ayaa saaka waaberigii ku ruqaansaday xadka ay Somaliland la wadaagto maamul goboleedka Soomaaliya ee Puntland.
Ciidamadda Somaliland, ayaa gaadhay Magaalada Tuka-raq oo qiyaastii u jirta Magaalada Garoowe 40km, iyadoo Wararka qaar sheegayaan in lagu dagaallamay deegaanka lagu magacaabo God- qaboobe oo ah Duleedka Magaalada Garoowe ee maamulka Puntland ka xigga degaanka Tukaraq ee gobolka Sool, halkaas oo ciidamada Somaliland ay la wareegeen saaka waaberigii.
Sidda ay xaqiijiyeen dadka degaanka dagaalka ah ayaa ah mid xooggan, waxaana labada dhinac ay isku adeegsanayaan hubka Nuucyadiisa kala duwan.
Dagaalka, ayaa ku dhowaaday Magaalada Garoowe oo Madaxweynaha Federaalka Soomaaliya ku sugnaa, iyadoo dadka ku dhaqan Magaalada Garoowe cabsi weyn soo waajahday.
Waxa Jira warar sheegaya inuu jiro in ay jiraan Khasaare Dhimasho iyo dhaawac ah oo dagaalkaasi ka dhashay, balse lama xaqiijin inta uu leegayahay.
Puntland ayaa ciidamo u dirtay degaankaasi Markii Somaliland ay la wareegtay deegaankaa oo ka mid ah xadka dhinaca Soomaaliya ay Somaliland kala wadaagto.