Galguduud(ANN)-Maxkamad ku taala deegaanka Galguduud ee gobolada dhexe ee Soomaaliya,Isla markaana Ka mid ah Maxkamaddaha taabacsan Al-Shabaab, ayaa xukun gacan-goyn ah ku fulisay Wiil Dhalinyarada ah.
Wilaayada Islaamiga ah ee Galgaduud ayaa shalay gelinkii dambe xukun Xaddu Sariqa ah ku fulisay Wiilkaa dhalinyarada ah oo lagu eedeeyay fal tuuganimo ah Inuu ka geystay mid ka mid ah goobaha ganacsi ee ku yaalla degmada Galhareeri ee Galgaduud, waxaana goobta xukunka Laga fulisay Isugu Soo baxay boqolaal dadweyne ah, Kuwwaas Oo daawanayay qaabka loo fulinayay xukunka.
Xukunkan ayaa lagu fuliyay Max’med Cilmi Jaamac oo 27 jir ah kaasoo xaakinka Maxkamaddu Sheegay inay ku caddaatay dacwad lagusoo oogay oo ku saabsaneyd in fal xatooyo ah uu ka geystay goob ganacsi oo ku taal suuqa weyn ee ganacsiga magaalada Galhareeri.
Qaadiga Maxkamadda ayaa goobta ka akhriyay dacwadda lagusoo oogay ninka Dhalinyarada ah Oo uu Sheegay Inuu xatooyada geystay, waxaana qaadiga uu sheegay in eedaysanuhu Uu qirtay falka uu geystay.