X
    Categories: Warar

Al-shabaab Oo Sheegatay Masuuliyada Weerar Lagu Khaarajiyay Taliye Ku Xigeenka Booliska Puntland

Araweelo News Network

Boosaaso(ANN)- Wararka ka imaanaya magaalada Boosaaso ayaa sheegaya in rag hubeysan oo ka irsan Xarakada Al Shabaab ay toogasho ku dileen Taliye ku xigeenkii Booliska Maamul goboleedka Puntland G/lle Jaamac Saxaradiid. Kadib markii koox hubaysan ku toogatay afaafka hore ee gurigiisa.

Ilo wareedyo lagu kalsoonyahay waxay sheegayaan in maanta barqadii la toogtay Gaashaanlle Saxaradiid oo illaa iyo hadda aan la ogeyn xaaladda uu ku suganyahay nolol iyo geeri, balse loo badinayo in uu geeriyooday.

Wararka qaar ayaa sheegaya in taliye ku xigeenka la weeraray uu u dhintay dhaawac soo gaadhay halka warar kale ay sheegayaan in xaaladdiisa oo aan wanaagsanayn lagula tacaalayo Cusbitaal melleteri.

Maamulka Puntland, ayaa weli ka hadlin dilka Taliyaha, balse War rasmi ah oo kasoo baxay xarakada Shabaabul Mujaahidiin ayay ku sheegatay Mas’uuliyadda Weerarka Gaashaanlle Saxaradiid sida ay baahisay idaacadda Islaamiga Andalus.

Al Shabaab waxay sheegtay in sarkaalka la beegsaday uu ku lug lahaa raaf ka dhan ah shacabka muslimiinta ee ku dhaqan magaalooyinka uu ka taliyo maamulka Puntland isku magacaabay.

admin: Arraale Mohamoud Jama is a highly experienced freelance and investigative journalist, writer, and human rights activist with over two decades of work in journalism and advocacy. His focus areas include: - Human rights - Politics and security - Democracy and good governance He has contributed to Somaliland newspapers and collaborated with human rights organizations. In 2008, he founded Araweelo News Network, is a Associated Online Agenciesa platform covering regional and international news, which he continues to manage. Contact Information: -Email: Info@araweelonews.com | jaamac132@gmail.com - Phone/SMS/MMS/WhatsApp: +252 63 442 5380 Twitter fallow us @Araweelonews Falow us Facebook: [@Araweelonews )
Related Post