X
    Categories: Warar

Al-shabaab oo Burburiyey Xaruntii Isgaadhsiinta ee Gobolka Woqooyi-bari Kenya

Araweelo News Network

Mandheera – Kenya (ANN)- Maamulka degmada Mandheera, xarunta Gobolka Woqooyi-bari ee dalka Kenya, ayaa faahfaahin ka bixiyey weerar xoogag ka tirsan Al-shabaab ku burburiyeen xarun isgaadhsiineed oo ku taal magaalada Ceelwaaq ee dalkooda oo ay gudaha u galeen habeennimadii Isniinta.
Guddoomiyaha Degmada Mandheera Mr. Fredrick Shisia oo warbaahinta la hadlay shalay, ayaa xaqiijiyey in dagaalyahannada kooxda Al-shabaab weerar qorsheysan ku qaadeen magaalada Ceelwaaq, isla markaana geysteen khasaare hantiyeed kala duwan.
Mr. Fredrick waxa uu sheegay in Al-shabaab burburiyeen xaruntii shirkadda isgaadhsiinta ee Safaricom oo laga isticmaalo Gobolka Woqooyi-bari ee Kenya, isagoo ku dooday in aannu jirin wax khasaare ah oo weerarkaas ka soo gaadhay ciidammada dawladdiisa oo ilaalo u ahaa shirkadda telefoonnada ee la gubay.
maaha markii u horaysay ee Al-shabaab weeraraan xarunta Isgaadhiisnta ee Safaricom iyo meelo kale oo isgaadhsiinta ka hawlgala gudaha Kenya, gaar ahaa Gobolka Woqooyi Bari, balse badhtamihii sanadkan inta la la ogyahay waa weerarkiis sadexaad ee ay halkaa ka fuliyaan oo si gaar ah loogu bartilmaameedsado isgaadhsiinta.

Xoogagga Al-shabaab ayaa weerarro kala duwan oo sababa khasaare naf iyo maalba ah ka fuliya inta badan degaannada Gobolka Woqooyi-bari ee Kenya oo dhaca xuduudka dalkaasi la wadaago waddanka colaaduhu naafeeyeen ee Soomaaliya.

admin: Arraale Mohamoud Jama is a highly experienced freelance and investigative journalist, writer, and human rights activist with over two decades of work in journalism and advocacy. His focus areas include: - Human rights - Politics and security - Democracy and good governance He has contributed to Somaliland newspapers and collaborated with human rights organizations. In 2008, he founded Araweelo News Network, is a Associated Online Agenciesa platform covering regional and international news, which he continues to manage. Contact Information: -Email: Info@araweelonews.com | jaamac132@gmail.com - Phone/SMS/MMS/WhatsApp: +252 63 442 5380 Twitter fallow us @Araweelonews Falow us Facebook: [@Araweelonews )
Related Post