Araweelo News Network
Af-hayeenka u Hadlay villa Somalia ee dhaleeceeyay Imaaraadka
Mogadishu(ANN)-Afhayeen u hadlay Xukuumadda Villa Somalia oo dhaleecaynaya heshiiska Xukuumadda Somaliland la gashay Dalka Imaaraadka Carabta ee Saldhiga Millati Iyo Heshiiskii Dp World ee Dekedda Berbera, ayaa ku dooday in Imaaradku doonayaan inay Sooaaliya kala gooyaan oo ay aqoonsadaan Somaliland.
“Imaaraadku Wuxuu Aqoonsanayaa Somaliland, Anaguna Waxaanu Diidanahay In Saldhigan Berbera Lagu Kala Gooyo Laba Dal Oo Somaliya Yeelato” sidaa waxa yidhi, Mid ka mid ah Masuuliyiinta Dawlada Soomaaliya u Qaabilsan la hadalka Saxaafada Carabta Sidoo kalena Ah La Taliye Arrimaha Siyaasada ee Villa Somaliya, wuxuuna ku dooday inay jiraan Arrimo Culus oo Ay Dawlada Imaaraadka Carabtu (United Arab Emirates Government) ka Wado Gudaha Dalka Soomaaliya
Xasan Cabdi Xayle oo ah oo u Waramaya Telefishanka ALXIWAAR Qaybtiisa Afka Carabiga, ayaa ka hadlay Sababta Ay Dawlada Soomaaliya Uga Soo Horjeed, isla markaana u Diidan Tahay Saldhiga Dawlada Imaaraadka Carabtu Ka Yagleelayso Magaalada Berberba Ee Somaliland, taasoo uu ku sheegay in Dawlada Imaaraadka Carabtu(United Arab Emirates) Aqoonsanayso Somaliland, Isla Markaana la doonayo in lagu kala jaro Dawladii Soomaaliyeed. sidaana lagu aqoonsado Somaliland.
Xasan Cabdi Xayle oo la waydiiyay Sababta Soomaaliya ay uga Socdaan Qaska iyo Dagaalada xalka loo waayay, Isla markaana Somaliland u Degan Tahay ayaa ku Dooday in Somaliland Tahay Meel Ay Jabhadi ka Taliso Sidaa Darteedna Ay Nabad u Noqotay.
Halkan Ka Daawo Warkaa Oo dhamaystiran.
https://youtu.be/L-mPwbyNR7w