Araweelo News Network
Nokia 3310
Toddoba iyo toban (17) sannadood kadib markii si rasmiya loo soo saaray waxa suuqyada caalamka dib ugu soo noqday mid ka mid ah moobilladii ugu adkaysiga badnaa ee waligii la sameeyo oo ah Nookiya 3310 (Nokia 3310).
Telefoonkan gacanta waxa dib loogu soo bandhigi doonaa shirka caalamiga ah bandhigga moobillada (Mobile World Congress) oo qabsoomi doona dabayaaqada bishan February 2017.
Sida warbixinta lagu sheegay, telefoonkan waxa marka ugu horraysa lagu baahinayaa, lagana heli doonaa suuqyada Yurub iyo Waqooyiga Maraykanka. Sidoo kale, waxa laga iibsan karaa moobaylka 3310 shirkadda Amazon ee dhinaca internet-ka, gaar ahaan suuqyadeeda. Telefoonkan waxa uu yeelan doonaa qaybo kala ah; saacad (Clock), Kalkulaytar (Calculator) iyo waliba inuu qofku 10 xasuusineed (10 reminders) ku kaydsado. Waxa kaloo uu yeelan doonaa afar ciyaarood (four games) oo kala ah Maska 2aad (Snake II), Lammaanaha labaad (Pair II), Duqaynta (Space impact) iyo Bantumi.