Navigate
X

Shirkadda Samsung Oo Ikhtiraacday Kombuyuutar Loogu Tala Galay Dadka Laxaadka La’ a

Araweelo News Network

Eyecan computer

Shirkadda qalabka casriga ah ee tiknoolajiga soo saarta ee Samsung, ayaa ikhtiraacda kombuyuutar noociisu caalamka ku cusub yahay, kaasoo dadka laxaadka la’, gaar ahaan gacmaha iyo lugaha la’ ay wax ku qori karaan, kaasoo la shaqayaya indhaha dhaqaaqooda.

Kombuyuutarkan oo magaciisu yahay  Eyecan+ waxa dadka laxaadka la’ awooddaan in indhahooda ku isticmalaan, iyagoo dhaqaajinaaya, xariiqda wax lagu qoraana la dhaqaaqayso oo kolba xarafka uu qofku doono indhahiisa ku dul istaajin karo.

Kombuyuutarkan nashqadiisa shirkadda Samsung waxay ku samaysay lacag la’aan, waxaanay ugu talagalay in ay kaga qaybqaadato caawinta dadka laxaadka la’a.

Qalabkan waxa uu ku shaqayayab bilaa xadhko (Wireless), kaasoo lagu xidhiidhinaayo indhaha qofku in ay soo jitaan haddii qofku 23 iinj (60cm) u jiro amma uu muraayadda ka fog yahay 27 iinj (70 cm).
Kombuyuutarkan casriga ah waxa uu u baahan yahay in la is ogolaysiiyo isticmaalkiisa iyo indhaha qofka doonaya inuu isticmaalo marka hore, balse aakhirka uu xasuusanaayo indhaha qofka oo uu markuu doono isticmaali karo.

Injineerada shirkadda Samsung, ayaa qalabkan ikhtiraacay waqtigooda firaaqada, waxaanay tijaabinaayeen 17 bilood, aakhirkiina waxay ku guulaysteen in ay dhammaystiraan.

“Kombuyuutarkan EYECAN+ waa natiijada mashruuc mutadawacnimo ah oo ay bilaabeen injiineeradayada, kaasoo ka turjumaya hawsha muhiimka ah ee ay u hayaan dadka,” ayuu yidhi SiJeong Cho oo ka mid ah madaxda Samsung.

admin: #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/