Araweelo News Network
Space Telescope
Soo dhawaysadan $180 milyan oo doollar ku baxday waxay awood u leedahay in ay xawaare degdega wax ku soo dhawayso, gaar ahaan meelaha mugdiga aadka ah ee hawada sare amma meerayaasha sare ay soo dhawayn karto.
Dawladda Shiinuhu waxa ay doonaysaa in ay bilawdo in ay dunida ka hawlgeliso satalaydka soo dhawaysada ugu weyn wata (single-dish Radio Telescope) oo awood u leh in ay cir-bixiyeennadu ku baadhi karaan arrimo qoto dheer iyo goobaha mugdiga ah ee meerayaasha hawada sare in ay nolol ka jirto amma noole kale ku nool yihiin.
Shiinaha oo hawlgalkiisan soo bandhigay shalay waxay mashruucoodan sayniska ah bixiyeen FAST (The Five-hundred-meter Aperture Spherical Telescope, or FAST), waxana lagu rakibayaa buuralay ku yaal dalkaas oo aad uga fog meelaha dadku ku nool yihiin, kuna dhaw Gobolka koonfurta galbeed ee Guizhou. Waxa ay soo dhawaysadan radaalku u rakiban yahay la balac tahay 30 garoon kubbadood, waxana sameeyey 4,000 qof oo khubaro ah, isla markanaa waxa ku baxday $180 milyan oo dollar.
Waxa kale oo loo baahan yahay in goobtaas ay ka hawlgalaan 10,000 qof, halka daraasadda hordhaca ah ee mashruucan lagu sadaaliyeyna la waday 14 sannadood, halka muddo shan sannadood ahna dhismaha soo dhawaysadan socday.