Navigate
X

Facebook oo Luqado Badan Afrika Oo Lagaga Hadlo kusoo Kordhiyey Isticmaalkiisa

Araweelo News Network

Mulkiilaha Facebook Mr. Zukerberg

Aasaasaha shirkadda Facebook Mr. Mark Zuckerberg, ayaa sheegay in luqado badan oo Afrika lagaga hado lagu soo kordhin doono baraha bulshada, gaar ahaan bartiisa si loogu fududeeyo dadka Afrikaanka ah in ay isticmaali karaan mareegaha internetka ee dadku ku wada xidhiidhaan (Social Media).
Waqtigan waxa facebook lagu kordhiyey luqadda Soomaaliga oo qofkii u baahda uu isticmaali karo, halka warbaahinta dalka Nayjeeriya sheegtay in Mr. Zuckerberg u ballanqaaday inuu luqaddooda ku dari doono Facebook.
Ballanqaadka mulkiilaha Facebook waxa uu yimi kadib markii uu muddooyinkii u dambeeyey booqasho ku marayey Afrika, waxana la hirgeliyey hadda in luqadda Xawsaha (Hausa) lagu isticmaali karo, taasoo caan ka ah Nayjeeriya iyo dalalka ku yaal galbeedka qaaradda Afrika.
“Aad baan ugu faraxsanahay in aan taageerno Xawsaha, waxaanuna qorshanaynaa in luqado badan sida ugu dhakhsaha badan lagu daro,” ayuu yidhi Zuckerberg oo la hadlayey wargeyska Premium Times oo Jamhuuriya soo xigtay.
Mareegta Facebook waxa ay hadda aad u taageertaa oo laga heli karaa afafka Xawsaha, Kiswahili, Somali iyo Carabi. Tiro ka badan 125 milyan oo qof oo Afrikaan ah ayaa internet-ka Afrika ku isticmaala, kuwaasoo da’doodu u dhexayso 15 ilaa 25 jir, waana kuwa ugu badan ee shirkadaha tiknoolajiyaddu doonayaan in ay ganacsigooda ku fidiyaan.
admin: #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/