“Dhammaan Kala Wareejinta Iyo Iibka Nootaayooyinka haddii aan la dabakhin wuxuu noqonayaa mid aan sharci ahayn,” Wasaaradda Maaliyadda Somaliland
Araweelo_News_Network
Hargeysa (ANN)- Wasaaradda Horrumarinta Somaliland ayaa soo saartay qaab casri ah oo ah nidaamka is-wada oo muwaadiniinta u fududaynaya inay Cashuurta ku waajibtay si fudud ugu bixin karaan Nidaamka casriga ah ee Online-ka.
Dhammaan Nootaayooyinka ayaa si gaar ah loogu wargeliyay inay dabakhaan shariga nidaamka muwaadiniinta Cashuuraha Kala-Wareejinta Iibka Hantida guurtada ah, taas oo qayb ka ah qorshaha Wasaaradda Horrumarinta Maaliyadda ee kordhinta wax-soo-saarka dakhliga oo qayb weyn ka noqonaya qorshaha qaranka ee xukuumadda cusub.
Nootaayiiyinka ayaa looga digay in aannay u hoggaansamin nidaamka, iyadoo muwaadiniintana loogu baaqay inay nidaamka Online-ka ku bixiyaan cashuuraha ku waajibay, iyadoo nidaamka casriga ah u fududaynayo bixinta cashuurta ku waajibtay iyagoo guryahooda ama xafiisyadooda jooga.
Sidoo kale, Wasaaradda Maaliyadda Jamhuuriyadda Somaliland oo qayb ka ah dar-dar gelinta waajibaadkeeda shaqo ee ururrinta Dakhliga cashuuraha waxay ku baaqay isticmaalka Nidaamka Online-ka ah Ee Qabashada Dakhliga .
Muuqaalkan hoose ayay ku sharaxayaan masuuliyiinta Wasaaradda Maaliyaddu nidaamka casriga ee is-wada.