#Araweelo_News_Network.
Stockholm (ANN)- Dunnida waxa si weyn u saameeyay dhaqaalaha iyo amniga dagaalka Ukraine oo ay ku hirdamayaaan xulufadda NATO ee Maraykanku hoggaamiyo oo taageeya Ukarine iyo Ruushka dedaal ugu jira inuu soo celiyo xullufadii dhigeeda ahayd ee Warsaw ee Ruushku hoggaaminayay muddada dheer, bilawgii 1955, balse xilligan loogu walqalay magac kale oo isbaahysi awood dhaqaale iyo mid millateri leh.
Dhinaca kale, dalalka Yurub waxay kordhiyeen kharashaadkooda dhanka Millateriga 13% sanadka 2022, taas oo ka dhigay korodhkii ugu weynaa ee muddo 30 sano ah,
Machadka caalamiga ah ee cilmi baadhista nabadda ee Stockholm (SIPRI), kaas oo ah hormuudka fikirka amniga caalamiga ah, ayaa sheegay korodhka Miisaaniyadda dalalka Yurub iyo dunnida kale ee arrimaha Millateriga oo dagaalka Ukraine sabab u noqday.
Machadka, ayaa xusay in kharashaadka Millateriga ee dunida oo dhan ay kordheen, taas oo lagu qiyaasay inuu kordhay adduunka oo dhan, 3.7%, kaddib markii Ruushku si buuxda u bilaabay duullaankiisii Ukraine bishii Febeury ee sannadkii hore.
Sidoo kale, Machadka caalamiga ah ee cilmi baadhista nabadda ee Stockholm (SIPRI), ayaa sheegay in Ukraine kordhisay kharashkeeda dhanka Millateriga ku dhawaad lix jeer iyo badh ilaa $ 44 bilyan (qiyaastii € 40 bilyan), in kasta oo ay sidoo kale heshay xaddi baddan oo gargaar Millateri shisheeye ah.
Mareykanka oo kaliya ayaa ku yaboohay in ka baddan 43.2 bilyan oo gargaar Millateri ah, sida uu sheegay Machadka Kiel ee Jarmalka.
Dhanka kale, Ruushku wuxuu kor u qaaday miisaaniyadiisa Millateriga 10% kaliya, ilaa uu gaadhsiiyay $ 86.4 bilyan, taas oo muujinay in dagaalka Ukarine saamayn weyn ku yeeshay dhaqaalaha adduunka.
Please share with your friends the news and information provided by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/