Qaybtii 4aad
Ninka magaciisa yahay Evan Sharp 32 jir ah oo Jaamacadda Chicago ka bartay taariikhda, waa khabiir dhinaca nashqadaynta iyo tayada dhismaha (architecture) ka bartay Jaamacadda Columbia. Sidoo kale, waa nashqadeeyaha Facebook, ka hor inta aan la soo saarin waxa uu dejiyey nashqada iyo habka uu u eekaanaayo Facebook (Pinboard Pinterest).
Hadda waxa uu hoggaamiya koox hal-abuur leh oo ka tirsan Pinterest, waxaannu wargeyska Forbes ku qiimeeyey hantidiisu in ay dhan tahay $1.1 bilyan.
Dustin Moskovitz
30 jirkan magaciisu yahay Dustin Moskovitz, oo ka mid ah da’yarta adduunka ugu lacagta badan, waxa uu ka mid yahay dhallinyarada aasaastay shirkadda Facebook, waxaanay saaxiib aad u dhaw oo qol wada seexda ahaayeen Mark Zuckerberg oo ay wada dhigan jireen Jaamacadda Harvard, balse waxa uu ka baxay Jaamacadda muddo laba sannadood ah markii uu dhiganayey, isagoo ku biiray hawlgalkii Zuckerberg ula baxay Palo Alto ee uu ku samaynayey Facebook.
Wargeyska Forbes waxa uu wiilkan yar hantidiisa ku qiyaasay $7.9 bilyan oo u xaasil ah oo uu ka helay dedaalkiisa iyo khibradaha kala duwan… la soco….