Araweelo News Network
Wiil 10 jir ah oo u dhashay dalka Sucuudiga, ayaa la yimmi arrin ka yaabisay daawadayaashii qiimaynayey, kadib markii uu cagaagnaan ku dul socday quraarado iyo dhambiilo dab ah.
Wiilkan yar oo doonaya inuu ka mid noqdo tartamayaasha barnaamij mawhibooyinka lagu soo bandhigo ee la yidhaa “Arab Got Talent” oo inuu qabsoomo la rajaynaayo 27 bishan lagu jiro ee November 2016, waxa uu soo jiitay indhaha warbaahinta iyo dadka qiimeeya arrimaha mawhibooyinka dunida ku cusub.
Inanka yar oo la yidhaah Khaled al-Luqman, waxa arrimahan cajiibka ah u tababaray aabbihii, kaasoo sidoo kale awoodda inuu calooshiisa u dhigo mindiyo afweyn, kuwaasoo aan waxba yeelayn.
“Wiilkaygu waxa uu doonayaa oo uu ku qanacsan yahay inuu ka qaybgalo barnaamijka mawhibooyinka Carabta (Arab Got Talent), meel kalena ugamay iman hibbadiisu ee waxa ay ahayd tobabar iyo shaqo adag oo uu soo maray.” Sidaa waxa yidhi wiilkan yar aabbihii oo la hadlay wargeyska Al-Hayat oo Jamhuuriya soo xigtay.
Xarunta Daryeelka Caafimaakda Sucuudiga (Saudi’s National Medical Care) ayaa bixisay kharaska ku baxaya Luqmaan ee uu kaga qaybqaadanayo barnaamijkan. Wiilkan yar waxa la mariyey tijaabooyin iyo baadhitaanno caafimaad si loo eego inuu awooddo ka qaybgalka barnaamijka oo ka dhacaya magaalada Bayruut ee dalka Lubnaan sannadkan 2016.
