By. Hoodo Yusuf
Sannad waliba hoodiyo, Hawl iyo dhibaatiyo, wuxuu hadimo leeyahay, Waa laga helaayoo, hadhow lagu xasuustaa. Sanadkan 2016 waxa lagu xasuusan doona, loona bixin doona sanadkii Kulmiye ee Tahriibta & Halaaga Badda. Waa sanadkii dhalinyaro Somalilanders oo kor u dhaafaysa 300 ay ku halaagmeen badyarta “ Mediteraanyanka “. Dhalinyardaasi may kicin dhaqaale xumo oo qofkiiba waxa laga qaaday $ 4,500 si loo tahriibiyo. Dhalinyaradaasi kamay qaxin colaad iyo dagaal sokeeye. Dhalinyaradaasi kamay baxsan gaajo iyo haraad. Dhalinyaradaas waxa eryay rajo xumo “ hoplesssness “, maamul xumo iyo cadaalad darro. Waxa baro kiciyay dawlada “Murdiso “ ee xaraashtay Dhulkii ay ku ciyaari lahaayeen, Maktabadahii ay wax ku akhrisan lahaayeen , iyo Dugsiyadii ay wax ku baran lahaayeen. Waxa tahriibisay dawlad u adeegta dibirka iyo maga-fayaasha dhaqaalaha, kuna tumata danyarta iyo dibjirka. Dhalinyardaasi waxay ahaayeen labeenti wadanka iyo mustaqbalkii umadda, waxaanaan ka tacsiyadaynaa dhamaan shacabka Somaliland , gaar ahaan ehelkii iyo qaraabadii ay ka baxeen.Ugu danabayn, waxaan shacbiga Somaliland xasuusinyaa inuu SANADKA KULMIYE-2016 yahay kii ugu xumaa 100 sandood ee ugu danbeeyay soo mara Somaliland . Sanadahii kale ee ugu adkaa waxa ka mid ahaa : Xaarama Cune 1914; Hawaara 1924; Adhi Gaba 1934; Jiitama 1944; Siiga Case 1954; Gaadhi-gaadhisaar 1964; Dabadheer 1974;Dhibijaale 1984; Kulmiye 2016.
Drs Hoodo Yusuf, London, UK.
yhoodo@yahoo.com.