Hargeysa(ANN)Tartaan kubbada Kolayga ah oo loogu magac daray Marxuum Maxamed-Rashiid Cup ayaa habeenki xalay waxa ciyaar iskaga hor yimi kooxaha Wasaaradda Tamarta iyo kooxda Shunuuf, iyadoo labada kooxood kusoo badhigeen ciyaar aad uu xiiso badan, waaxana guushu ay raacday kooxda sidatay Magaca Wasaaradda Tamarta oo ku badisay 70 dhibcood, halka ay kooxda Shunuuf dhalisay 32 dhibcood.
Kooxda Kubadda Kolayga ee sidatay magaca Wasaaradda Tamarta iyo Macdanta
Tartanka Kubbada Kolayga ee loogu magac daray Marxuum Maxamed Rashiid Muxumed Faarax, ayaa ka dhacay garoonka kubbada Kolayga ee Magaalada Haregeysa, kaas oo bisha barakaysan ee Ramadaan sanadkan loogu magac daray Allah ha u naxariistee Marxuum Maxamed Rashiid Muxumed Faarax oo ahaa halyay xoriyatul qawlka Saxafada madaxbanaan ee Somaliland u halgamayay, isla markaana ahaa xogayihii hore ee ururka suxufiyiinta Somaliland ee SOLJA ka hor intii aanu naftiisa ku waayin dhaawac kasoo gaadhay shil Baabuur ka dhacay wadada u dhaxaysa Hargeysa iyo Berbera, Khamiistii 25 December 2014.