Boorama(ANN)-Naadiga ku ciyaarayay magaca shirkadda socdaalka ee Barri iyo Galbeed, ayaa ku guuleystay koobkii Tartanka kubadda cagta ee Naadiyadda Heerka Koowaad ee Degmadda Borama (Borama Cup) oo uu soo qabanqaabiyay xidhiidhka Kubadda Cagta Jamhuuriyadda Somaliland.

Tartankaa oo ay maal-gelisay Shirkadda Socdaalka ee Barri iyo Galbeed, ilsa markaana Telefishanka caalamiga ah ee HCTV uu si toos ah u baahiyay, ayaa muddo bil ah ka socday garoonka kubadda cagta ee Xaaji Daahir Stadium, waxaana loo qabtay naadiyadda heerka koowaad ee Degmadda Boorama oo tiradoodu ahayd 12 naadi.

Kulankii finalka ee tartanka Boorama Cup, waxaa u soo gudbay markii ay dedaal la yimaadeen labadda naadi ee Barri iyo Galbeed iyo Wasaaradda Maaliyadda Boorama, waxaana 1Gool iyo 0 ay guushu ku raacday naadiga Barri iyo Galbeed, kadib gool ay billowgii ciyaarta ay la yimaadeen.

Guddoomiyaha xidhiidhka Kubadda Cagta Somaliland iyo Wasiirka Wasaaradda Dhallinyarada iyo Ciyaaraha Somaliland, Boos Mire Maxamed, ayaa si wada-jir ah koobkii tartanka Boorama Cup u guddoonsiiyay naadiga Barri iyo Galbeed, halka sidoo kale iyana Abaal-marino kala duwan la guddoonsiiyay ciyaartoydii kale ee dedaalka la yimi mudadii tartanku socday.