Araweelo News Network
Los Angeles(ANN)Cilmi-baadhis cusub, ayaa sheegtay in toontu ay u fiican tahay badbaadada caafimaad ee qofka, isla markaana ay yarayso in dhuumaha dhiigga qaada ay ku yimaadaan dhaawac amma dhibaato keeni karta in qofku wadno-xannuun qaado.
Khubaro ka socotay Mac-hadka Cilmi-baadhista Los Angeles Biomedical Research Institute ee xarunta UCLa Medical Center, ayaa sheegay in toontu ay ka hortagto wadno-xannuunka oo hadda xannuunka sababa dhimashada ugu badan ee caalamka.
Khabiir mgaciisu yahay Dr. Mathew Budoff, ayaa sheegay cilmi-baadhistoodu mar kale dibadda u soo saartay in ay toonto faa’iido u leedahay caafimaadka qofka, gaar ahaan in ay ka hortagto waxyeelada soo gaadha dhuumaha dhiigga qaada (arteries) ee sababa wadno-xannuunka.
Cilmi-baadhistan oo lagu eegay 55 qof oo da’doodu u dhexayso 40 jir iyo 75 jir, kaasoo mid kasta oo ka mid ah laga helay xannuun dhinaca dheef-shiidka ah amma burburinta cuntada (metabolic Syndrome).
Natiijada ka soo baxday waxa ay noqotay in dadkan xannuunka laga helay la ogaaday in aanay cuntadooda ku jirin toonta amma aanay isticmaali jirin, waxaanay khubaradan tijaabiyeen in toontu ay faa’iido u leedahay xididada dhiigga qaada iyo gudaha jidhkaba, xannuuno kale oo badan ay daawo ka tahay.
Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews
WhatsApp + 252 63 442 5380 Send an SMS or MMS to + 252 63 476 4409