#Araweelo_News_Network
Hargeysa(ANN)-Gudidda Doorashooyinka qaranka ayaa soo gunaananaday tababarka hawlwadeenada doorashooyinka ee gobollada dalka, iyadoo dufcadii labaad ee shaqaallaha loo soo xidhay tababaro.
Hawlwadeenada gobolka Sool ee doorashooyinka, Sanaag, Awdal Togdheer, Saaxil iyo Maroodijeex ayaa loo soo xidhay tababarka dufcadii labaad, kuwaas oo loo dhaariyay hawsha loo igmaday ee Gudidda Doorashoouyinku u diyaariyeen.
Komishanka Doorashooyinka Qaranka ayaa sheegay in hawlwadeenadan iyo kuwii horeba ay ka shaqaynayaan goobaha cod-bixinta ee doorashada Madaxtooyadda iyo Xisbiyada Qaranka ee loo qorsheeyay 13 November 2024.
Gudiidda Doorashooyinka ayaa sidoo kale, hore tababar sidan oo kale ugu xidhay Hawlwadeenada Gobollada Togdheer, Sool, Sanaag, Awdal Togdheer, Saaxil, Maroodijeex
Dhinaca kale, Komishanka Doorashooyinka Qaranka, ayaa xaruntooda kulan kula qaatay Taliyiyaasha Ciidamada Qaranka Somaliland, waxaana kulanka lagaga hadlay amniga guud iyo diyaargawga doorashada Madaxtooyadda iyo Xisbiyada Qaranka sida ay sheegeen gudidda doorashooyinka Qaranka.
.