#Araweelo_News_Network.
Qaza(ANN)-Afhayeenka garabka Millateriga Xamaas ee Al Qassam Brigades, Abu Cubayda, ayaa digniin u diray Israa’iil, xilli ay sii dhammaanayso xabbad joojinta lagu kordhiyay Qaza ee labada maalmood.
Abu Cubayda, wuxuu sheegay in Xamaas ay ixtiraami doonto xabbad joojinta ilaa iyo inta ay Israa’iil ku adkaysanayso shuruudaheeda.
Mar sii horraysay, labada dhinac ee Israa’iil iyo Xamaas ayaa midba midka kale ku eeddeeyay innuu jabiyay xabbad joojinta, iyadoo isku dhacyo goosgoos ah ay ka qarxeen Qaza.
Sidaa awgeed Afhayeenka garabka Millateriga Xamaas ee Al Qassam Brigades, Abu Cubayda ayaa Israa’iil ugu hanjabay xabbad joojin kaddib iska horimaadyada Waqooyiga Qaza.
Dhinaca kale, Haweenay Israa’iili ah oo la sii daayay ayaa u mahad celisay dagaalyahannada Al-Qassam ee Qaza, waxayna tilmaantay sidii wacnayd ee loola dhaqmay.
Haweenayda oo magaceedu yahay Danielle Aloni ayaa Xamaas ku ammaantay bini’aadantinimada aan caadiga ahayn iyo sida naxariista leh ee ay ula dhaqmeen iyada iyo gabadheeda Emilia intii lagu hayay Qaza tan iyo 7-dii October 2023.
Danielle Aloni ayaa sheegtay in gabadheedu ay u dareemaysay sidii boqorad Qaza, “taas oo aan waligay ahaan doono maxbuus mahadnaq ah,” ayay tidhi, iyadoo sidaa ku qortay warqad ay u qortay Al Qassam Brigades ee Xamaas, taas oo lagu shaaciyay warbaahinta aduunka, isla markaana soo jiidatay dareenka caalamka.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
SUBSCRIBE to our YouTube channel for more videos: https://www.youtube.com/c/AraweeloTv
By Arraale M Jama Freelance Journalist and Human Rights activist.
info@araweelonews.com