#Araweelo_News_Network.
“Waxa loo baahan yahay in la joojiyo Dembiyada Dagaalka Ee Ka Dhanka ah Falastiin”: Iran Oo Telefoonka Kula Xidhiidhay Hoggaamiyaasha Sacuudiga
Riyadh(ANN)-Madaxweynaha Iran Ebrahim Raisi iyo Dhaxal-sugaha Sacuudiga Maxamed Bin Salmaan ayaa Arbacadii ka wada hadlay xaalladda dagaalka Falastiin iyo Israa’iil, taas oo ah markii ugu horreysay oo ay labada hoggaamiye ku wadahadlaan Taleefoon tan iyo markii Shiinuhu uu dhexdhexaadin uu bilaabay ku dhaliyay heshiiskii Tehran iyo Riyadh ee dib loogu soo celin lahaa xidhiidhkooda.
Labada hoggaamiye ee Raisi iyo dhaxal-sugaha Boqortooyada Sacuudiga ayaa ka wada hadlay “baahida loo qabo in la soo afjaro dembiyada dagaalka ka dhanka ah Falastiin,” sidaa waxa baahisay warbaahinta dowladda Iran.
Laxidhiidha: Madaxweyne Joe Biden Oo Sheegay In Kow iyo Toban Maraykan Ah Lagu Dilay Dagaalka Israel Iyo Xamaas
Dhaxal-sugaha Boqortooyada Sacuudiga, ayaa dhankiisa, “xaqiijiyay in Boqortooyadu ay samaynayso dadaal kasta oo suurtagal ah si ay ula xidhiidho dhammaan dhinacyada caalamiga ah iyo kuwa gobolka si loo joojiyo xiisadda socota,” ayay tidhi wakaaladda wararka ee Sacuudiga ee SPA oo dhankeeda ka hadashay.
Laxidhiidha: Maraykanka Oo Si Badheedh Ah U Sheegay In Aannay Ka Leexleexanayn Taageerada Israel Dagaalka Xamaas
Wakaaladda wararka ee Sacuudiga SPA, ayaa intaa ku dartay in innay caddahay Riyadh diidmada Sacuudiga oo ay ku celinay in si uun loo beegsado dadka rayidka ah, sida ay sheegtay SPA.
Laxidhiidha: Iran Iyo Hezbollah Waxay Ku Biiri Doonaan Dagaalka Yuhuuda, Sarkaal Xamaas U Hadlay
Sacuudi Carabiya iyo Iran ayaa ku heshiiyey innay dib u soo celiyaan xidhiidhkooda bishii March, sida uu dhigayo heshiis ay kaga wada xaajoodeen Shiinaha kaddib toddobo sano oo cadaawad ah, taas oo halis gelisay xasilloonida iyo amniga Khaliijka, gacanna ka geystay hurinta colaaddaha Bariga Dhexe, Yemen ilaa Suuriya.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
SUBSCRIBE to our YouTube channel for more videos: https://www.youtube.com/c/AraweeloTv
By Arraale M Jama Freelance Journalist and Human Rights activist.
info@araweelonews.com