Qabsashada Bakhmut waxay khatar ku tahay Kyiv, waxayna dhirbaaxo iyo Guuldaro ku tahay Ukarine Iyo Xulufadda NATO.
#Araweelo_News_Network.
Bakhmut (ANN)-Dagaalkii Ukraine ee ugu dambeeyay Millateriga Moscow, ayaa qabsaday ‘99.9% Xuduudaha Juqraafi ee Bakhmut oo ah magaalo in ka baddan todoba bilood ay ka socdeen daagalo lagu hoobtay iyo duqaymo, maadaama ay Bakhmut tahay mid ahmiyad weyn leh dagaalka Ukraine.
A map showing the strategy of the Rassian military in the war in Ukraine, 2023, Araweelo News Network.
Ciidanka gaarka ah ee Calooshood u shaqaystayaasha kooxda Wagner, ayaa calanka Ruushka ka taagay Bakhmut
Laxidhiidha: Ruushka Oo Qirtay Saraakiil Lagaga Dilay Bakhmut
Kooxda calooshood u shaqaystayaasha ah ee Wagner ayaa laga soo duubay muuqaal, iyagoo calanka Ruushka ka taagay magaalada Bakhmut kaddib markii ay sheegeen in ay gacanta ku hayaan magaalada ka dib dagaallo ba’an oo bilihii lasoo dhaafay ka socday magaalada oo burburiyay.
Ruushka iyo Ukraine ayaa warbixino is khilaafaya ka bixiyay xaaladda magaalada Bakhmut maanta, iyadoo Kyiv ay sheegtay inay weli gacanta ku hayso qayb yar oo ka mid ah magaaladaa la go’doomiyay ee bariga Ukraine, halka Moscow ay u hambalyaysay ciidamada gaarka ah ee Wagner iyo ciidamada Ruushka ee Xoraynta oo ku guulaystay inay gebi ahaanba gacanta ku dhigaan Magaalada Bakhmut, taas oo dhirbaaxo ku ah Ukraine iyo xulufadda taageerta ee Maraykanku hoggaamiyo.
Laxidhiidha: Ruushka Oo Ciidamo Hor Leh Geeyay Magaaalad Bakhmut Ee Noqotay Alleppo
Hoggaamiyaha kooxda calooshood u shaqaystayaasha ee Wagner, Yevgeny Prigozhin, ayaa noqday shaqsi aad muhiim u ah intii lagu jiray dagaalkii Ukraine, shirkadiisu waxay door muhiim ah ka ciyaartay isku daygii Ruushka ee ahaa inuu qaato Bakhmut.
Shalay, wuxuu si cad u sheegay in kooxdiisu ay si buuxda gacanta ugu dhigtay magaalada Bariga Ukraine, taas khatar weyn ku ah Kyiv, balse waxa jira sheegashooyin is khilaafsan oo ku saabsan in ciidamada Ruushka ay la wareegeen magaalada Madaxweynaha Ukraine, Zelenskyy wuxuu bixiyaa ‘dammaanad fidsan, isagoo dalbanaya diyaaraddaha F-16, kuwaas oo sida uu sheegay aan looma isticmaali doonin inay galaan Ruushka.
Laxidhiidha: Maxay Wadaagaan Bakhmut Iyo Alleppo (Syria iyo Ukraine)?
Volodymyr Zelenskyy ayaa mar sii horeysay sheegay in Bakhmut aannu qabin inay gacanta u gashay Federaalka Ruushka ilaa xilligan.
Hase yeeshee hadalkiisa ayaa ahaa, saacado ka hor, markii wakaaladdaha wararka ee Ruushka si cad u sheegeen in Vladimir Putin uu u hambalyeeyay guusha, “Weerarkii Wagner, iyo sidoo kale dhammaan adeegayaasha cutubyada Ciidamada Qalabka Sida ee Ruushka, kuwaas oo siinaya taageerada lagama maarmaanka ah iyo ilaalinta garbaha, dhammaadka howlgalka lagu xoreynayo Artyomovsk “, kaas oo ah Magaca Bakhmut ee xilligii Soofiyeedka.
Ceeryaamo dagaal ayaa ka dhigay mid aan la xaqiijin karin xaaladda dhulka iyo dagaalka ka socda Bariga Ukraine, iyadoo warbaahinta reer galbeedku noqdeen kuwo aan loogu kalsoonaan karin.
Please share with your friends the news and information provided by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
http://archive.araweelonews.com
By Arraale M Jama Freelance Journalist and Human Rights activist.
info@araweelonews.com