#Araweelo News Network.
Minsk (ANN)-Belarus iyo Ruushka ayaa si wadajir ah u samayn doona dhoolatus Millateri maalinta Isniinta, taasoo si weyn u cabsi gelisay Ukraine oo ka werwersan, isla markaana ka baqaysa inay horseedi karto xaalad sii kordhisa duulaanka.
Laxidhiidha: Ukraine: Gen. Valery Gerasimov, Hoggaamiye Millateri Oo Ruuskhu U Magcaabay Dagaalka
Labada dal ayaa hore u qabtay tababar dhinaca dhulka ah. Madaxweynaha Ukraine Volodmyr Zelenskyy ayaa marar baddan ka digay in Ruushku laga yaabo inuu weerraro kale oo dhanka dhulka ah kaga soo qaado Belarus.
Saraakiisha Belarus ayaa sheegay in dhoolatusku yahay mid dhanka difaaca ah oo keliya, balse aannay jirin cid lagu weerrarayo, iyadoo sida ay sheegeen Hawlgallada wadajirka ah loo qorsheeyay inay sii socdaan illaa dhammaadka bishan.
Ukraine: Britain and Poland have confirmed that they will send heavy weapons to Kyiv
Dhinaca kale, Ugu yaraan 40 qof, ayaa ku dhintay 48-kii sacadood ee u danbeeyay, waxaana la layahay raq iyo ruux dad baddan oo kale, kuwaas oo laga raadinayo dhismayaasha burburay ee ka dhashay duqaymihii ugu danbeeyay ee Ruushku sida darandooriga ah ugu garaacay Ukraine, gaar ahaan caasimada Kyiv iyo magaalooyin kale, sida ay sheegeen saraakiisha Ukraine.
Duqaymaha dhinaca cirka iyo dhulka ah, oo Ruushku sii kordhiyay, ayaa noqday kuwo u muuqda inay jawaab u yihiin taageerada dalalka Maraykanka iyo xulufadiisa, kuwaas oo inta baddan sameeya balanqaadyo ay ku sheegayaan inay Hub iyo saanad Millateri siinayaan, balse banaqaadyada ayaa noqda kuwo ka cadhaysiiya Ruushka, isla markaana ciqaabta kusii kordhiya Ukraine.
Sidoo kale, werwerka kusii kordhaya Ukraine iyo cabsida uu Volodmyr Zelenskyy ka muujiyay dhoolatuska Millateri ee maalinta Isniinta, ay wadajirka u samaynayaan Belarus iyo Ruushka, ayaa kusoo beegantay, iyadoo Madaxweyne Vladimir Putin Todobaadkii hore u magcaabay Taliyaha cusub ee hoggaaminaya hawlgalka ku waajahan Ukraine Gen. Valery Gerasimov, kaas oo muddo tobban sanandood ahaa Taliyaha Guud ee Ciidanka Ruushka tan iyo 2012.
Magcaabista Generaalka cusub ee Ciidamada oo noqonay markii Afraad tan iyo markii uu dagaalku bilaabmay horaantii sannadkii hore 2022, iyo dhoolatuska ay wadajirka u samaynayaan Belarus iyo Ruushka, ayaa calaamad u ah qorshe cusub oo Madaxweyne Putin ku doonayo inuu qaado weerraro cusub oo ku waajahan Ukraine.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
SUBSCRIBE to our YouTube channel for more videos: https://www.youtube.com/c/AraweeloTv
By Arraale M Jama Freelance Journalist and Human Rights activist.
www.araweelonews.com
www.araweelonews.net
www.araweelonews.com/archi/
info@araweelonews.com