#Araweelo_News_Network.
Berlin(ANN)-Dawladda Switzerland, ayaa dhaleecayn kala kulantay dalalka Midawga Yurub iyo xulufadda Maraykanka, kaddib markii ay diiday inay qayb ka noqoto dagaalka Ukraine.
Switzerland, ayaa difaacay siyaasaddeeda ku waajahan in dalkeedu aannay qayb ka noqonay in hubka loo dhoofiyo dalalka ay colaaduhu ka jiraan, taas oo ah siyaadda u degsan dalkaa.
Safiirka Switzerland u fadhiya magaalada Berlin Paul Rene Seger ayaa sheegay in uu la yaabay “inta ay leeg tahay dhaleecaynta ku da’aysa” dalkiisa ee aaddan mamnuucidda Switzerland ee ah in ay dib u dhoofiso rasaasta Jarmalka Leopard (ama Gepard) ee Ukraine.
Dawladda Jarmalka, ayaa dalka Ukraine geysay daraasiin Taangiyada Leopard iyo ku dhawaad 60,000 oo rasaas ah.
Hase yeeshee Berlin waxay u baahan doontaa ogolaanshaha Switzerland si ay u keento 12,000 oo kale oo lidka diyaaraddaha ah, taas oo lagu sameeyay Switzerland.
Safiirka Switzerland u fadhiya magaalada Berlin Paul Rene Seger, ayaa isagoo u warramayay warbaahinta jarmalka ee Augsburger Allgemeine, wuxuu difaacay siyaasadda Switzerland ee ah in aan hubka loo dhoofin dalalka ay colaadduhu ka jiraan. “Aragtida waxaa la siinayaa in Switzerland ay ku lug leedahay haddii Putin uu ku guuleysto dagaalka. Laakin 12,000 oo wareeg ah ma saameyn doonaan, iska daa in ay go’aamiyaan dagaalka,” Seger ayaa u sheegay Wargeyska Augsburger Allgemeine.
Seger, ayaa sidoo kale tilmaamay in dhaqanka dhexdhexaadnimada ee Switzerland uu yahay mid ka mid ah mabaadi’da aasaasiga ah ee siyaasadda arrimaha dibadda ee Switzerland. “Annaga waxay noo tahay qayb ka mid ah DNA-da,” ayuu yidhi.
Dhinaca kale, ka hor intii aannu bilaabmin dagalaka Ukraine bilawgii sannadkii hore 2022, Jarmalku waxa uu lahaa siyaasad la mid ah ta Switzerland oo ku saabsan in aan hub loo dirin dalalka colaaddaha, amma dagaaladu kulul ka jiraan, balse siyaasadda noocaa ah dhowaan waxa wax ka beddelay dagaalka Ukriane.
Switzerland, ayaa inta badan la kulnta dhaleeceyn tan iyo 2022, markii dagaalka Ukraine bilaabmay, waxaana loo arkaa in uu ka caga jiidayso in hub siiyo Kyiv.
Please share with your friends the news and information provided by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com