#Araweelo_News_Network.
Hargeysa(ANN)-Muddanayaasha Gollaha Wakiillada Somaliland, ayaa fadhigoodii maanta lasoo hordhigay go’aamada xalinta khilaafka ee Madaxweyne Biixi usoo gudbiyay, kaddib markii uu saxeexay go’aamadaa oo ahaa kuwo ay Madaxweynaha u gudbiyeen Odayaasha Salaadiinta iyo Guddida Beelaha Habarjeclo todobaadkii hore.
Laxidhiidha: #Somaliland: Madaxweyne Biixi Oo Duuduub Ku Aqbalay Goaamada Guddida Dhexdhexaadinta
Fadhiga maanta oo ahaa mid xaasaasi ah oo xamaasadysan, waxa muddanayaasha kasoo xaadiray ahaayeen 48, kuwaas oo cod aqlabiyad ah ku meel mariyay go’aamadii madax-dhaqameedka ee doorashada isku-sidkan taas oo madaxweyne Biixi, u soo gudbiyay Gollaha si sharciga u waafajiyaan, isla markaana loogu gudbo dhammaystirka qabyada xeerarka doorashooyinka.
Marka laga yimaado innay golle ahaan u codeeyaan oo si buuxda u aqbalaan go’aamada uu Madaxweynuhu usoo gudbiyay, waxa la filayaa innay Guddi gaar ah saari doonaan Golluhu si loo waafajiyo soo jeedinta go’aamada, isla markaana lagu sargooyo nidaamka xeerarka doorashooyinka Madaxtooyadda iyo Ururada Siyaasadda ee muddada dheer lagu murransanaa.
Laxidhiidha: #Somaliland: Guddida Xal U Raadinta Khilaafka Siyaasadeed Oo Soo Saaray Go’aamo
48 xildhibaan, ayaa kasoo xaadiray fadhiga, waxaana ogolaaday soo jeedinta go’aamada Madaxweynuhu usoo gudbiyay 45 mudane, halka ay ka aamuseen 2 mudane, isla markaana aannay jirin cid diiday, iyadoo aannu guddoomiyihu codayn.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com