#Araweelo_News_Network.
Hargeysa(ANN)- Mufdigii weynaa ee Sheekh Maxamuud Maxumed (Sh. Maxamuud Suufi), ayaa ku geeriyooday caawa Magaalada Hargeysa ee caasimadda Somaliland.
Allah haw naxariistee Sheekh Maxamuud, wuxuu ka mid ahaa culimada waaweyn ee Soomaalida, gaar ahaan Somaliland, wuxuu ahaa caalin naftiisa iyo nolloshiisa u huray barbaarinta Bulshada ee Diinta Islaamka.
Sidoo kale, wuxuu Sheekh Maxamuud soo noqday wasiirka Diinta iyo Awqaafta Somaliland, wuxuu noloshiisa ku bixiyay sidii dadka u bari lahaa diinta Islaamka iyo digriga Allah, isagoo aan aduun iyo dhaqaale kaga doonayn, wuxuuna ka mid ahaa culimada waaweyn ee geyiga Soomalida laga aflaxay, iyadoo qaar baddan oo ka mid ah Culimada inta baddan xilligan danbe Soomaalidu aadka u taqaan ee laga arko warbaahinta iyo kuwo kale oo ka mid ah Bulshada ay ka mid ahaayeen ardaydii kasoo aflaxday.
Sidoo kale, Sheekh Maxamuud Suufi, wuxuu door ku lahaa dhismaha qaranka Somaliland, isagoo ka mid ahaa Culimada waaweyn ee nabadaynta iyo dhismaha qaranka kaalinta ku lahaa.
Tan iyo wixii uu ka danbeeyay markii uu ka tegey xilka Wasiirka Wasaaradda Diinta iyo Awqaafta 2010, wuxuu si toosa ah cashar Tafsiirka Qur’aanka Kariimka ah iyo casharo kale oo diini ah uga marin jiray Masaajidka uu dhisay Ibraahim dheere ee Magaalada Hargeysa, waxaana si toosa ah casharka looga baahin jiray Telefiishanka Qaranka Somaliland (SLNTV).
Allah ha u naxariisto, Samir iyo Iimaan dhammaan Qaranka Somaliland, Bulshada Soomaalida iyo qoyskii uu baxay iyo Culimada Somaalida oo dhan, marxuumkana waxan Allah uga baryaynaa inuu naxariistiisa ugu deeqo oo ku abaal mariyo wanaagii iyo tacabkii uu geliyay sidii uu Bulshada u hanuunnin lahaa.
Please share with your friends the news and information provided by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com