#Araweelo_News_Network
Hargeysa (ANN)- Gudidda Doorashooyinka Qaranka Somaliland, ayaa maanta Maxkabada Sare Ee Dustuuriga ah u gudbiyay Natiijada Ku-meelgaadhka ah ee Doorashada Madaxweynaha, Ku-xigeenka Madaxweynaha iyo Xisbiyada Qaranka.
Gudidda ayaa shalay ku dhiwaaqay natiijada hordhaca ah ee doorashada, taas oo ku guulaystay Xisbiga Mucaaradka ee WADDANI, Doorashada Madaxtooyadda, halka saddexda Xisbi ee soo baxay noqdeen WADDANI, KAAH iyo KULMIYE.
Guddoomiyaha Maxakadda Sare ee Somaliland, ayaa sidoo kale ah Maxkamadda sare ee Dastuuriga, waxayna Gudidda Doorashooyinku ku wareejiyeen Guddoomiye Aadan Xaaji Cali natiijadda doorashada ee hordhaca ah, taas oo waafaqsan dastuurka iyto xeerarka doorashooyinka.
Guddooomiye Aadan Xaaji Cali ayaa ku amaanay Gudidda Doorashooyinka hawshii ay qabteen iyo sida ay u maamuleen hawsha doorashada, isagoo dhinaca kale ku hanbeeyay tartamayaasha iyo bulshadaba in doorashada oo si nadiif ah u dhacday ay muujinay bisaylka iyo ilbaxnimada Bulshada Somaliland.
Written by Arraale M. Jama, a freelance journalist and human rights activist.
Araweelo News Network.
info@araweelonews.com