Araweelo News Network.
New York(ANN)-Hay’adda caafimaadka Adduunka ee WHO ayaa sheegtay in Ruushku uu qaaday weerarkii ugu weynaa ee daryeelka caafimaadka ee Yurub tan iyo dagaalkii labaad ee adduunka.
Weerarka, ayaa sababay in malaayiin reer Ukraine ah ay wajahaan xaalad naf-gooyo ah xilliga jiilaalka. Sidaana waxa sheegay Agaasimaha gobolka ee WHO.
Hans Kluge, Agaasimaha Yurub ee WHO, wuxuu si cad u sheegay in kulaylka qaboojinta oo ay weheliso nidaam caafimaad uu si xun u waxyeeloobay, kaddib markii khasaare weyn kasoo gaadhay weerarrada gantaallaha ee Ruushka.
Arrintaa ayuu ku tilmaamay inay la macno tahay in jiilaalkani uu ku saabsan yahay ‘badbaadada’dadka Ukraine iyo Yurub.
Duqaymaha ugu danbeeyay, ayaa socday labadii toddobaad ee u danbeeyay markii uu Ruushku ka baxay gobolka Kherson oo ka mid ahaa Afar gobol oo uu ka qaaday codbixin si dadka loo weydiiyo inay kusii negaanayaan Ukraine iyo inay ka mid noqonayaan Ruushka, waxayna natiijada ku sheegeen Ruushku in ay doorteen dadku si aqlabiyad ah inay ka mid noqdaan Ruushka, balse Moscow ayaa ciidamadeeda kala baxay gobolka wadnaha ah ee Kherson tdobaadyadii u danbeeyay, waxayna xoojisay duqaymo magaalooyinka Ukraine oo dhan cirka yo dhulka laga garaacayay, kuwaas oo sida ay warbixinuhu sheegayaan khasaasihii ugu xumaa ee adeegyada aasaasiga ah geystay, waxayna duqaymuhu khasab ka dhigeen in malaayiin qpf ka cararaan magaalooyinka Ukraine, kuwaas oo dhibaatooyinka ka dhalanaya weerarada ee koronto la’aanta iyo gabaabsiga adeegyada aasaasiga ah ka cararaya.
Dagaalka ayaa socda muddo sided bilood ah, waxayna ciidaamada Ruushku wixii ka danbeeyay Biriishka la qarxiyay ee xidhiidhiya Moscow iyo Crimea, iyagoo wixii xilligaa ka danbeeyaybilaabay duqaymo cirka ah oo ka bilaabay guud ahaan Ukrainei, kuwaas oo lala bartilmaameedsaday kaabayaashii muhiimka ahaa.
Saraakiisha Ukraine ayaa sheegay in duqaymaha ay fuliyeen diyaaradaha aan duuliyaha lahayn iyo gantaalaha ridada dheer ee Ruushka.
“Waxay duqeynayaan wax soo saarka gaaska iyo ganacsiyadayada Dnipro,” sidaa waxa yidhi, Ra’iisal Wasaare Denys Shmygal.
Magaalada Kyiv, saraakiishu waxay sheegeen in la soo riday laba gantaal oo nooca loo yaqaan Cruise-ka. Saraakiisha Dekada Madow ee Odesa ayaa sidoo kale sheegay in duqeyn diyaaradeed oo is daba jooga ah.
Shirkadda tamarta ee Ukraine (Ukrenergo), ayaa ka digtay Khamiistii tidobaadkii hore in xaaladdu faraha ka baxdo, iyadoo xustay in loo baahanyahay koronto baddan si loo ilaaliyo korantada ku socota jiilaalka.
Xafiiska bini’aadantinimada ee Qaramada Midoobay (OCHA) ayaa dhankiisa ka digay masiibo bini’aadantinimo oo ku soo wajahan Ukraine.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
SUBSCRIBE to our YouTube channel for more videos: https://www.youtube.com/c/AraweeloTv
By Arraale M Jama Freelance Journalist and Human Rights activist.
info@araweelonews.com