#Araweelo_News _Network.
Brasilia(ANN)-Madaxweynaha Brazil Luiz Inacio Lula da Silva ayaa sheegay in kasta oo aanu danaynaynin in uu rasaas u keeno Ukraine, haddana uu leeyahay soo jeedin dhexdhexaadin ah, taas oo ku lug leh Shiinaha.
“Brazil waa waddan nabadeed. Waana sababtaas sababta Brazil aannay u doonayn inay ka qaybgasho dagaalkan, xitaa si dadban,” ayuu yidhi, Madaxweynaha Brazil, Lula, wuxuuna sidaa ku sheegay shir jaraa’id oo ay si wadajir ah u qabteen ra’iisal wasaaraha Jarmalka Olaf Scholz, oo booqasho afar maalmood ah ku jooga gobolka.
Lula ayaa sheegay in dalkiisa uu la shaqeyn doono kuwa kale si ay gacan uga geystaan sidii nabad looga dhalin lahaa Ukraine, wuxuuna tilmaamay doorka Shiinaha ee wadahadallada nabadda ee Ruushka iyo Ukraine.
“Saaxiibadeena Shiinaha ayaa door muhiim ah ku leh arrintan,” ayuu yidhi siyaasiga garabka bidix ee Lula, “Waxaa la joogaa waqtigii Shiinaha uu kor u qaadi lahaa doorkiisa,”ayuu yidhi, Madaxweyne Lula.
Wuxuu aad ugu nuuxnuuxsaday, sida aannay marnaba diyaar ugu ahayn inay taageero Millateri oo toos ah iyo mid dadban u siiyaan Ukraine, sida ay sameeyeen dalal badan oo Midawga Yurub, amma NATO ku jiraa, balse taas bedelkeeda ay dhiirigelinayaan nabada iyo sidii loo heli lahaa heshiis nabadeed oo lagu soo ajaro collaadda.
Dhinaca kale, Brazil, China iyo Russia ayaa qayb ka ah wadamada dhaqaalahoodu soo korayo ee BRICS, kuwaas oo ay sidoo kale ku jiraan Hindiya iyo Koonfur Afrika.
Balse waxa xusid muddan in Brazil ay ka mid ahayd 141-ka waddan ee golaha loo dhan yahay ee Qaramada Midoobay ee sannadkii hore u codeeyay inay cambaareeyaan duullaanka Ruushka ee Ukraine.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
SUBSCRIBE to our YouTube channel for more videos: https://www.youtube.com/c/AraweeloTv
By Arraale M Jama Freelance Journalist and Human Rights activist.
www.araweelonews.com
www.araweelonews.net
www.araweelonews.com/archi/
info@araweelonews.com