#Araweelo News Network.

Misk City (ANN)- Hoggaamiyaha mucaaradka Belarus, Sviatlana Tsikhanouskaya, ayaa shaki ka muujisay in Askar ka socota Belarus ay ku biiri doonaan ciidamada Ruushka ee ku sugan Ukraine.

Hase yeeshee, Haweenaydan Sviatlana, ayaa sheegtay in joogitaanka Ciidamada Ruushka ee ku sugan Belarus laga leeyahay ujeeddooyin kale oo siyaasadeed.

Waxay u sheegtay warbaahinta in joogitaanka ciidamada Ruushka ee Belarus ay leedahay laba ujeedo, kuwaas oo ay ku macnaysay in laga ilaaliyo mucaaradka Belarus iyo in Ukraine lagu sii hayo waxay ugu yeedhay malo-awaal ku saabsan wajiga labaad ee duulaanka Ruushka.

“Waxaan aad ula dhacsanahay walaalaheen Ukraine sida ay u difaacayaan dhulkooda iyo qiyamka Yurub maalin walba. Dadka reer Belarus waxay had iyo jeer la taagnaan doonaan Ukraine” ayay tidhi.

Dhinaca kale, iyadoo ka hadlaysa kulan ay la yeelatay Ra’iisal wasaarihii hore ee Britain Tony Blair, waxay sheegtay inay aad ugu khushuucday in aan kula kulmo ra’iisal wasaarihii hore ee Ingiriiska Tony Blair.

Haweenaydan Sviatlana, ayaa sheegtay inay Tony Blair weydiisatay inuu gacan ka geysto kor u qaadida arrinta kumanaan ay sheegtay inay yihiin maxaabiista siyaasadeed ee Belarus, kuwaas oo sida ay xustay la ildaran xaaladdo bini’aadantinimo.

Sidoo kale, waxay xustay inay kala hadashay sidii loo taageeri lahaa halganka ay sheegtay inay ku doonayaan xoriyadda.