“Dadka Sool waxay doonayaan midnimo waana hubaa way helayaan waxay raadinayan, Annaguna,,,, “Madaxweyne Xasan Sheekh
#Araweelo_News_Network.
Muqdisho(ANN)- Dhawaaqyo kasoo baxay Madaxweynaha dawladda Federaalka ee Soomaaliya, Xasan Sheekh Maxamuud, ayaa noqday kuwo ay dhibsadaan shacbiga Somaliland, kaddib barnaamij furan oo su’aalo lagu weydiiyay siyaasadda xukuumaddiisa oo habeenimadii Salaasadii kulan dadweyne uu kaga jawaabayay.
Madaxweyne Xasan Sheekh oo wax laga weydiiyay arrinta gobolka Sool iyo qorshaha xukuumaddiisa ee ku waajahan dagaalka Laascaanood, wuxuu sheegay inay xukuumad ahaan garab istaagayaan midnimada ay doonayaan shacbiga gobolka Sool, isla markaana ay jiraan dariiqyo dhinaca dublamaasiyada ah oo lagaga dhabaynayo arrintaa, kuwaas oo sida uu sheegay xukuumaddiisu wado.
Wuxuu sheegay in Mushkilada Waqooyiga tahay mid gaamurtay oo soddon ilaa afartan sannadood soo jirtay, balse ay xukuumadiisu u isticmaalayso dariiqyo baddan kuwa muuqda iyo kuwo aan muuqaan.
“ Waxaan arrintaa u dirnay Odayaal, hore waxay u tageen Laascaanood, waxay soo mareen Garoowe, haddana waxay joogaan Hargeysa, waxa Dadka Laascaanood waxay dawladda u haysaa ixtiraam wax baddana waa qabanay, waayo waxay doonayaan midnimo oo waxay sitaan calankii Soomaaliya, dadkaasi wixii ay raali ka yihiin ayaan rabnaa, waana hubaa waxay rabaan inay helayaan, Odayaal ayaan dirnay oo hadda Hargeysa jooga, marka danbena dhalinyarada ayaan diraynaa.” Ayuu yidhi, Madaxweyne Xasan Sheekh oo arrinta Laascaanood wax laga weydiiyay. wuxuuna dhawaaqa kasoo baxay Madaxweyne Xasan Sheekh noqday mid xaasaasi ah oo ay dhibsadeen dheggaha shacabka Somaliland.
Sidoo kale, Madaxweyne Xasan Sheekh, wuxuu ka hadlay mawqifka xukuumaddiisa ee siyaasadda ku waajahan ciidamada shisheeye ee ku sugan dalka iyo arrimaha mustaqbalka.
Please share with your friends the news and information provided by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com