#Araweelo_News_Network
Hargeysa (ANN)-Xukuumadda Madaxwwyhe Cabdiraxmaan Cirro ayaa ku wargelisay ciidamo uu Madaxweynihii hore ilaalo ahaan u kaxaystay inay kasoo xaadiraan Qasriga Madaxtooyadda.
Ma jiro war rasmi ah oo xukuumaddu kusoo saartay amarka Ciidankii Ilaalada Madaxwayne Muuse Biixi
Balse wararka qaar ayaa sheegaya in lagu amray innay Xeryahoodii kusoo Xeroodan.
Arrintan ayaa kusoo beegantay , iyadoo dhowaan Madaxweynaha cusub ee Somaliland Cabdiraxmaan Maxamed Cabdullaahi (Cirro) uu shaaciyay Guddida dib u habaynta ciidamada oo uu Magcaabay, kuwaas oo uu kulan la yeeshay maalmihii u danbeeyay markii uu kasoo laabtay safarka dalka Imaaraadka Carabta UAE.
Wararka la xidhiidha Ilaalada Madaxweynihii hore Muuse Biixi in looga yeedhay waxa la sheegay innay ka timi Wasiirka Madaxtooyadda Somaliland Khadar Xuseen Looge oo Taliyaha ciidanka Madaxtooyadda Axmed Cali Maygaag ku Amaray in ilaalada madaxwaywaynihii hore Somaliland Muuse Biixi ee qaabilsan amaanka Madaxwaynaha Hooygiisa lagu Amray in dhammaantood kusoo xaadiraan Qasriga Madaxtooyadda Jamhuuriyadda Somaliland .
Madaxweynihi hore oo dhowaan ka dhoofay Madaarka Hargeysa ayaa la arkayay baabuur dhawr ah oo gelbinaya, kuwaas oo mid ka mid ah oo uu saarnaa la arkayay isagoo diyaaradda hoos taagan, taas oo dhalisay su’aalo iyo doodo la xidhiidha amniga Madaarka, iyadoo aan la ogayn sababta.
Dhinaca kale. Madaxwayna yaashii ka horeeyey madaxwayne Muuse Biixi ayaa loo qoondeeyaa ilaalo kooban, iyagoo si xor ah ugu nool dalkooda, isla markaana aan la arkin dhaqdhaqaaq dheeraad oo la xidhiidha marka ay dalka ka baxayaan iyo marka ay kusoo laabanayaan, balse dhawr ka mid ah ilaalada loo qoondeeyay u joogaan guryahooda.
Madaxweyne Daahir Rayaale oo isagu nool ayaa weli haysta ilaaladoodii loo qoondeeyay, Laakiin ilaaladu maaha kuwo ka baddan dhawr qof oo aannay ku jirin Gaadiid gaashaaman iyo Hub culus midna, waxaana inta baddan uu si caadi ah dalka uga baxaa, ama uga soo degaa Madaarka Hargeysa, isagoo aan ka muwaadiniinta ka dhoofaya amama kasoo degaya Madaarka Hargeysa.