#Araweelo_News_Network.
Hargeysa (ANN)- Madaxweynaha xilka kasii degaya ee Jamhuuriyadda Somaliland Muuse Biixi Cabdi, ayaa maanta ka qaybgalay aaska marxuum Cabdinajax Siyaad Aw Cabdi oo ahaa la taliyaha Madaxweynaha ee arrimaha dhallinyarada, isla markaana ahaa Guddoomiyaha Garabka Dhalinyarada ee Xisbiga Kulmiye.
Marxuumka oo si maamuus ah loogu sameeyay Marxuum Cabdinajax Siyaad., wuxuu ka mid ahaa dhalinyarada haldoorka ee bulshada aad ugu xidhan, waxaana Madaxweynaha ka sokow aaskiisa oo xabbaalaha Masalaha ee Koonfurta Magaalada Hargeysa ka qaybgalay masuuliyiin kala duwan iyo dadweyne tira baddan oo ka mid ah shacbiga Magaalada Hargeysa.
Sidoo kale, waxa aaska loo sameeyey Marxuum Cabdinajax Siyaad waxa madaxweynaha kala qaybgalay madax ka tirsan hay’addaha kala duwan ee qaranka, xildhibaanno, saraakiil ka tirsan Xisbiga KULMIYE, madax-dhaqameed, siyaasiyiin iyo haldoor kale oo bulshada kamid ah,
Marxuumka waxa Eebbe looga baryey inuu janooyinkiisa ka waraabiyo.
Marxuumka, waxayna ka tacsiyeeyeen qoyskii, ehelkii,asxaabtii iyo bulshada uu ka baxay Cabdinajax Siyaad, maadaama marxuumku sidoo kale, ka mid ahaa saraakiisha sar sare ee xisbiga KULMIYE iyo la taliyaha madaxwaynah, isagoo marxuumku ku suntanaa dal dhis iyo horumarinta qaranka Jamhuuriyadda Somaliland.
Marxuumka ayaa loogu duceeyay in Allah u denbidhaafo oo naxariistiisa iyo janafardawsa ugu deeqo.
Dhinaca kale, Tafaftiraha Shabakaddaha wararka ee Araweelo_News_Network, Carraale M. Jaaamac iyo dhammaan maamulka iyo hawlwadeenada Shabakaddaha Araweelo_News_Network, waxay tacsi u doytaan qoyskii, Ehelekii, asxaabtii iyo bulshada Somaliland geerida ku timi Maxruum Cabdinajax Siyaad Aw Cabdi, waxayna Allah uga baryayaan denbidhaaf iyo in uu rabi janafardawsa ka waraabiyo Aamiin Aamiin Aamiin.