#Araweelo_News_Ntwork.
Hargeysa(ANN)-Xoghayaha Xisbiga Mucaaradka ee WADDANI, Khadar Xuseen Cabdi ayaa ka hadlay xaalladda dalka ee siyaasadeed iyo koox dabley maleeshiyo ah oo la sheegay inay isku urursadeen duleedka Koonfur galbeed ee Magaalada Hargeysa.
Xoghaye Khadar,oo maanta warbaahinta kula hadlay Hargeysa, wuxuu sheegay in khilaaf siyaasadeed oo soo jiitamayay ilaa 2021, kuwaas oo uu sheegay innay weli taagan yihiin oo aan weli xal loo helin, sidaa awgeed wuxuu sheegay in su’aasha lays weydiinayaa tahay, “Lix sannadood oo Muuse ina xukumayay maxaa dhacay!, waxa Muuse lagu wareejiyay Lix gobol oo Somaliland ah oo nabad ah, waxa Muuse lagu wareejiyay dad wallaalo ah oo Somaliland ah, waxa Muuse lagu wareejiyay dal aannay ka jirin xaaladdo ama duruufo abuuri kara jabhado” ayuu yidhi.
Xoghayaha Xisbiga WADDANI, Khadar Xuseen Cabdi, wuxuu sheegay in marka dawladdu sharciga dhawriweydo, isla markaana dadka layska xidho, ama layska dilo ee la diido wax wada lahaashaha iyo in doorashooyin la qabto, “Marka la dhegeysanwaayo haldoorka, marka la diido wadahadal, marka hal qof uu doono inuu sidii doono dalka u xukumo, waxa xaqiiq ah in la raacayo jidkii burburka lix sannadood oo aan la noolayn tallaxumo, maxay inoo dhashay waa innaynu is weydiino.” Ayuu yidhi, isagoo ka hadlaya wararka sheegaya in dabley hubaysan isku urursatay duleedka Hargeysa.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com