#Araweelo_News_Network.
Hargeysa(ANN)-Guddida Doorashooyinka qaranka ayaa kulamo kala duwan maanta la yeeshay Shirgudoonada laba golle ee Guurtida iyo Wakiillada Somaliland, kulankaa oo ahaa mid albaabada loo xidhay oo aannay saxaafadu goob joog ka ahayn.
Hase yeeshee kulanaka kaddib waxa hadalo kooban ka jeediyay barxada hore ee dhismaha Baarlamaanka Guddoomiye ku xigeenka gollaha wakiillada, isla markaana ah ku sii hayaha xilka guddoomiyaha Siciid Mirre Giire, maadaama uu guddoomiyihii gollaha wakiillada is casilay, isla markaana aannay weli gollaha wakiilladu dooran guddoomiye.
Guddoomiye Siciid Mirre, ayaa warbixin kooban ka siiyay kulankaa warbaahinta, wuxuuna sheegay innay kala hadleen arrimaha doorashooyinka iyo cabashooyinkii kasoo baxay diiwaangelinta dhowaan ay sameeyeen iyo kaadhadhka ay qaybiyeen.
Sidoo kale, wuxuu xusay inay guddida doorashooyinka kala hadleen arrimaha muhiimka ah iyo baahida loo qabo doorashooyinka, “Dalku wuxuu u baahanyahay doorasho, doorashada qaranka ayaa leh ee cid gaar ah ma laha, masuuliyadana waxay saarantahay Kommishanka Qaranka, waxaanu ku boorinay inay waajibkooda dastuurka ah gutaan, oo shaqadooda qabsadaan. annaguna golle ahaan wixii ay nooga baahdaan diyaar ayaan u nahay.” ayuu yidhi, Guddoomiye Giire.
Laxidhiidha: Somaliland: Maxkamadda Dastuuriga Ah Oo Soo Saartay Jawaab Wejigabax Ku Ah Guddida Doorashooyinka
Dhinaca kale, Guddoomiyaha Guddida Doorashooyinka Qaranka, Muuse Xaaji oo warbaahinta kula hadlay barxada dhismaha Baarlamaanka, ayaa sheegay innay la tashiyo samaynayaan, isla markaana soo saarayaan jadwalka doorashada, balse ma sheegin doorashada ay soo saarayaan jadwalkeeda innay tahay doorashada Madaxtooyadda iyo innay tahay doorashadda Ururrada Siyaasadda iyo axsaabta, wallow aannay jirin ilaa xilligan doorasho laysku raacsanyahay.
Laxidhiidha: Somaliland: Xilliga La Qorsheeyay Doorashada Oo Madaxweyne Biixi Shaaciyay
Laxidhiidha: Guddida Doorashooyinka Oo Kiciyay Duufaan Siyaasadeed Iyo Khilaaf Huursanaa Oo Galaafankara
Guddida Doorashooyinka, ayaa sidoo kale la kulmay axsaabta qaranka, kuwaas oo sheegay innay ka wadahadleen arrimaha sida weyn loogu murransanyahay ee doorashooyinka.
Laxidhiidha: Guddoomiye Cali Xaamuud Oo Maxkamadda Sarre Digniin U Diray
Guddida doorashooyinka, ayaa dhowaan qoraal soo kiciyay khilaafka huursanaa, waxayna Maxkamadda dastuuriga ah u gudbiyeen qpraal ay kaga dalbadeen fasiraad labada doorasho midda soo horaynay, iyadoo maxkamaddu jawaab deg deg ah ka bixisay, isla markaana u sheegtay innay waajibkooda gutaan, isla markaana fahmaan shaqadooda oo ay raacaan sharciyada tilmaamaya shaqadooda, taas oo lagu dhaliilalay guddida doorashooyinka qaranka, isla markaana muujisay in aannay ahayn kuwo dalka gaadhsiinkara doorashooyinka laga sugayo.
Please share with your friends the news and information provided by Araweelo News Network.
Published by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com