Maydka Sarkaalkii Lagu Dilay Lughaya Toban Maalmood Ka Hor Oo Maanta Lagu Aasay Boorama
#Araweelo_News__Network.
Hargyesa(ANN)- Xildhibaan Maxamed Abiib oo ka mid ah mudanayaasha gollaha wakiillada kasoo galay gobolka Awdal, ayaa ugu baaqay xukuumadda in lasoo daayo dadkii loo xidhay muddaharaadka ka dhashay dilka Taliye xigeenkii Marxuum Khadar Xabeeb oo maanta lagu aasay Booram, kaddib markii 10 cisho ka hor uu dilay askari ka tirsan isla ciidanka Ilaalada Xeebaha Somaliland deegaanka Lughaya.
Xildhibaanka, ayaa Allah uga baryay inuu marxuumka u naxariisto,qoyska qaraabada iyo qaranka uu ka baxayna samir iyo iimaan kasiiyo.
Hase yeeshee, wuxuu sheegay in xukuumaddu toos u qaadato dardaarankii ehelku qabriga dushiisa ka jeediyeen oo aannay sahashan, iskuna dayin, wuxuu ku tilmaamay “Meeraysi ee ay fuliso go,aanka ahaa in qayska taageereen kii wax laga dilay iyo kii wax dilayba”.
Dhinaca kale, wuxuu sheegay in xukuumaddu si degdeg ah xorriyadoodda ugu celiso dhammaan dadkii loo qabqabtay banaanbixii ka dhashay arintaa, wuxuuna xusay in aan loo baahnayn in lala meeraysto.
“Ma jirto cid ujeeddo gaara arintaa ka lahayd, balse meeraysigii Xukuumadda ayaa keenay, waana waajib dad banaan baxay marka uu joogsado in lasii daayo.”ayuu yidhi.
Qoraalkiisa, wuxuu sidoo kale, Xildhibaan Maxamed kaga hadlay in Xukuumaddu si degdeg ah iskaga xilsaarto inay daryeel iyo dawaba u sameeyaan Dhaawacyada duqaydii iyo dhalintii maalintii dhawayd ku dhaawacan tay, sigaara waxan ugu soo jeedinaya madaxda xukuumadda ee gobalka kasoo jeeda inay xilgaara iska saraan dhamman qodobadan.” Ayuu yidhi, Xildhibaan Maxamed Abiib, wuxuuna in taa raaciyay in markaa kaddib nabad iyo niyad samaan lagu wada xuso 18May.
.
Please share with your friends the news and information provided by Araweelo News Network.
Follow us on Twitter@Araweelonews
Follow us and Like on Facebook@AraweeloNews
Follow us on /instagram@araweelonews
Follow us on TikTok / Tiktok.com/@araweelonews
Follow us on /araweelonews.tumblr.com
https://mursaljamasspace.quora.com/
YouTube channel for more videos: https://www.youtube.com/c/AraweeloTv
www.araweelonews.com
www.araweelonews.net
www.araweelonews.com/archi/
By Arraale M Jama Freelance Journalist and Human Rights activist.
info@araweelonews.com