Muuqaalka labada weriye ee la xidhay Rashiid Nuur Wacays Iyo Wariye Saciid Khadar Cabdilaahi
sida lagu baahiyay Telefishanka BulshoTv, oo ay ka tirsanaayeen labada suxufi, waxa la xidhay kadib markii ay saaka Xafiiska Xeer-ilaaliyaha guud ee Qaranka tageen, halkaas oo looga yeedhay.
Agaasimihii Bulsho Tv Rashiid Nuur Wacays Iyo Wariye Saciid Khadar Cabdilaahi, sida lagu sheegay warkaa, waxa xadhigooda lala xidhiidhiyay soo saarista Wargeys ay ku hawlanaayeen, kaas oo sida warku sheegay mar hore la diiwaangeliyay, isla markaana xili kooban usoo baxay, balse ay doonayeen inay soo saaraan xiligan, isla markaana daabacadiisii u horaysay baahiyeen.
Xukuumadda Somaliland, ayaan ilaa hada wax war ah kasoo saarin xadhiga suxufiyiintaa, iyadoo sidoo kale aanay Ururka Suxufiyiinta SOLJA, wax war ah kasoo saarin xadhiga labadaa suxufi.