Araweelo News Network.
Lahore (ANN)-Ra’iisal wasaarihii hore ee dalka Pakistan Imran Khan ayaa ka badbaaday isku day dil oo loo malaynayo inuu ahaa shirqool la doonayay in lagu khaarajiyo.
Raiisul Wasaarihii hore ee Pakistan Imran Khan, Imran Khan, image file, Araweelo News Network.
Imran Khan, waxa soo dhaawac fudud Khamiistii kaddib markii nin dablay ah rasaas ku furay gaadhi konteenar ah oo ra’iisal wasaarihii hore ee Pakistan uu la socday, iyadoo ay weheliyeen taageerayaashiisa.
Sida ay sheegtay warbaahinta Pakistaan, waxa soo gaadhay dhaawac fudud, iyadoo saraakiisha cusbitaalka lagu dawaynayaa sheegeen in aannu soo gaadhin Imran Khan dhaawac halis ah.
Dhinaca kale, warbaahinta maxalliga ah ayaa muujisay sawirro la dheehanayay isaga oo u gacan haadinaya taageerayaashiisa xilli caafimaad ahaan loo daadgureeyay Cusbitaal ku yaalla Lahore.
Wasaaradda arrimaha guddaha ee Pakistan ayaa lagu soo waramayaa inay furtay baadhitaan ku saabsan dhacdadan, iyadoo taageerayaasha Khan ay buux dhaafiyeen waddooyinka magaalooyin baddan.
Imran Khan ayaa dhawr bilood ka hor xilka laga tuuray, kaddib markii uu si cad uga hor yimi in Pakistaan midiidin u noqoto Maraykanka iyo xulufadiisa, isagoo xilligaa si cad u taageeray xulufadda Ruushka, taas oo ahayd bilawgii dagaalka Ukraine ee horaantii sannadkan, balse dadka reer Pakistaan ayaa uga cadhooday in xilka laga qaado ra’iisal wasaare Khan, kuwaas oo wadooyinka isugu soo baxay, iyagoo arrintaa aad uga cadhaysan, isla markaana dhaleecayn u jeedinaya Baarlamaanka.
Please share with your friends the news and information provided by Araweelo News Network.
Published by Araweelo News Network.
Follow us Twitter@Araweelonews
Facebook@AraweeloNews
By Arraale M Jama Freelance Journalist and Human Rights activist.
Araweelo News Network.
info@araweelonews.com