Xildhibaan Maxamed Axmed Gurxan
Mogadishu(ANN)Dowladda Federaalka, ayaa xaqiijisay in uu geeriyooday Xildhibaan Max’med Axmed Gurxan oo saaka lagu weeraray meel aan sidaa uga fogayn xarunta Villa Somalia ee magaalada Muqdisho.
Wasiirka warfaafinta Xukuumadda Somalia, Max’med Cabdi Xayir (Maareeye), ayaa xaqiijiyay in Xildhibaan Maxamed Axmed Gurxan. uu ku dhintay Cusbitaalka lagu dawanaynay dhaawaciisa, kadib markii xaaladdiisa caafimaad ay cuslaatay.
Xildhibaanka, ayaa Xoogag katirsan xarakada Al-shabaab ku weerareen saaka aroortii agagaarka dhismaha Ex.Bacadlihii Xamar Weyne, kuwaas oo tacshiirado rasaas ah la beegsaday, isla markaana goobta ka cararay. sida lagu sheegay war kasoo baxay taliska ciidanka Al-shabaab oo sheegay in ciidamadooda gaarka ahi fuliyeen weerarkaa oo sida ay sheegeen qayb ka ah hawlgalo ay ku ugaadhsanayaan Xildhibaanada iyo Madaxda dawlada Somalia ee ku sugan Mogadishu.
Sanadkan 2015, waa xildhibaankii lixaad ee ku dhinta weerar Al-shabaab ka fuliso gudaha magaalada Muqdisho oo lagu bartilmaameedsado mudanayaasha Baarlamaanka Somalia, waxayna sheegeen inay sii wadayaan weerarada sidan oo kale ah.
Todobaadkii hore, waxay Al-shabaab weerar iyo qarax wada socda ka fulisay Huteelka Saxafi, halkaas oo ay ku dhinteen Abaanduulihii Ciidanka Somalia Gen. Cabdikariim Dhega-badan , Mulkiilihii Huteelka Cabdirashiid Ilqayte, Xildhibaan Abtidoon Koofi iyo dhawr iyo qoban qof oo dad uu ku jiro weriye Mustafe Shafaana oo ka tirsanaa warbaahinta ka hawlgasha magaalada Muqdisho, iyadoo dhawr iyo labaatan qof dhaawacyadooda loola cararay cusbtaalada Muqdisho.
Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews
WhatsApp + 252 63 442 5380
Send an SMS or MMS to + 252 63 442 5380