Araweelo News Network.
Hargeysa(ANN)-Madaxweynaha Jamhuuriyadda Somaliland, Muuse Biixi Cabdi, ayaa kulan degdeg ah la yeeshay maalqabeenada waaweyn ee dalka si masiibada dhacday ee Suuqa waaheen qorshe loogu samayn lahaa.
Madaxweyne Biixi, ayaa isugu yeedhay ganacsatada waaweyn ee dalka oo ay weheliyaan Rugta ganacsiga iyo xubnaha guddida heer qaran ee loo igmaday masiibada dabkii baaxadda lahaa ee xalay ka kacay suuqa weyn ee Waaheen.
Kulanka oo ahaa mid lagu faaqdiyay masiibada dabkaa iyo khasaaraha ka dhashay sidii xal loogu heli lahaa, ayaa ka qabsoomay xarunta qasriga madaxtooyadda Jamhuuruyadda Somaliland.
Madaxweynaha iyo ganacsatada waaweyn ee dalka, ayaa kulankaa diiradda ku saaray sidii ay ganacsatadu gacan uga geysan lahaayeen taakulaynta dhibaatada ka dhalatay dabkii baabi’iyay suuqa ugu weynaa Magaaladda Hargeysa ee Waaheen.
Madaxweyne Biixi, ayaa markii dabku bilaabmay booqday suuqaa iyadoo lala tacaalayo sidii loo damin lahaa, wuxuuna sheegay in xukuumad ahaan Lacag Halmilyan oo dollar sii deynayaan si deg deg hawsha loogu bilaabo.
Ilaa hadda lama ogga khasaaraha baxaadiisa iyo hantida ku shuf beeshay inta ay dhantahay, balse dabka ayaa gebi ahaanba baabiiyay suuqaa oo ahaa ka ugu weyn dhanka ganacsiga, iyadoo la qiyaasayo in hanti aan ka yarayn dhawr Bilyan oo dollar ku shuf beeshay, kaddib markii qiyaastii caweyskii hore ee habeen hore oo ahayd maalin Jimce ah oo laga rawaxay dabku qabsaday, iyadoo aan la ogayn sababta dhalisay dadbka ku faafau suuqa oo loo tag iyo maara waayay dhawr iyo tobban saacadood tan iyo gelinkii danbe ee Sabtida.
Gaadiidka Dab-damiska ee Somaliland ayaa la tacaalyay dabkaa, waxaana door weyn ka qaatay gurmadka dabkaa Dab-damisyo ka yimi deegaanka Soomaalida Ethiopia ee Magaalada Jig-jiga, kuwaas oo magaalada Caasimadda Soomaalida ee Ethiopia kasoo dhaqaaqay markii ay maqleen masiibada.
Published by Araweelo News Network.
Fadlan la wadaag saaxiibadaa oo warbxinaha iyo wararka ay soo gudbiyaan shebekaddaha Araweelo News Network.
Follow us Twitter@Araweelonews
Facebook@AraweeloNews
By Arraale M Jama Freelance Journalist and Human Rights activist.
info@araweelonews.com