Araweelo News Network.
“Ma Aqbalayno Sharcidaro Shacbigu Waa In Ay Diidaan Sharcidarada” Guddoomiyaha Xisbiga WADDANI, Xisri Cali Xaaji Xasan
“Waa Wax Lala Yaabo in Madaxweynuhu Farmaajo ku ceebeeyo wuxuu isagu samaynayo,”
Hargeysa(ANN)- Guddoomiyaha Xisbiga Mucaaradka ee WADDANI, Xirsi Cali Xaaji Xasan, ayaa soo bandhigay caddaymo dalliil u ah in Madaxweyne Biixi ku tuntay dastuurka iyo xeerarka dalka, isagoo guddoomiye Xirsi soo qaatay qodobada Dastuurka iyo xeerarka.
Guddoomiyaha xisbiga mucaaradka ee WADDANI, wuxuu sidaa ku sheegay mar uu maanta warbaahinta la hadlay, isagoo si cad u sheegay in Madaxweynuhu ku tuntay Dastuurla iyo xeerarka dalka, isla markaana loo baahan yahay in hay’addaha sharcigu la xisaabtamaan.
Xirsi Cali Xaaji Xasan, guddoomiyaha xsibiga mucaaradka ee WADDANI, wuxuu sheegay in Madaxweynuhu dalka ku maamulo digreeto oo meel iska dhigay Dastuurkii iyo xeerarkii dalka, wuxuuna shacbiga ugu baaqay in aanany aqbalin sharcidarada.
“Madaxweynuhu haddii uu sharciga ku tunto oo ixtiraami waayo sharciga iyo xeerarka dalka ma yeelanayo maamuus Madaxweyne.”ayuu yidhi.
Guddoomiyaha Xisbiga ugu weyn mucaaradka ee WADDANI, waxa taxay gefafka dastuurka ee uu sheegay in Madaxweyne Biixi galay iyo xeerarka uu ku gefay ee dalka, isagoo ku bedelay digreeto sida uu sheegay.
Guddoomiye Xirsi oo ka hadlaya qodobada Dastuurka ee Madaxweyne ku gefay iyo xeerarka uu baal maray halkan ka Daawo.
Published by Araweelo News Network.
Fadlan la wadaag saaxiibadaa oo warbxinaha iyo wararka ay soo gudbiyaan shebekaddaha Araweelo News Network.
Follow us Twitter@Araweelonews
Facebook@AraweeloNews
instagram@araweelonews
By Arraale M Jama Freelance Journalist and Human Rights activist.
info@araweelonews.com