Muuaalka Guriga Taliyaha Qaybta Booliska Ee Boorama oo gubanaya,By. Araweelo News Network
Boorama(ANN)Dadweyne Cadhaysan ayaa dab qabadsiiyay maanta guriga Taliyaha Qaybta Booliska ee Awdal General Cabdi Araweelo, waxaana ku shufbeelay halkaa guriga Taliyaha. Kadib rabshado ka dhashay Ciyaaraha Kubadda Cagta ee ka socday halkaa oo shalay uu ku dhintay qofkii labaad todobadkan, kaas oo ahaa Wiil yar oo dhalinyaro ah.
Qoyska uu kasoo jeeday Wiilka yar, ayaa diiday saaka in la aaso, taas oo ay ka dhasheen mudaharaadyo rabshado wata oo sababay in dab la qabadsiiyo guriga Taliyaha Qaybta.
Xukuumadda Somaliland, ayaa ka hadashay rabshadahaa iyo guriga la gubay ee Taliyaha Qaybta Booliska Awdal General Araweelo.
Wasiir ku xigeenka Wasaaradda Arrimaha guddaha Somaliland Axmed Caddare oo la hadlay Laanta Af-soomaaliga ee BBC, ayaa sheegay inay ka xunyihiin rabshadaha ka dhacay Ciyaaraha ka socday Boorama ee soo noqnoqday, wuxuuna tacsi u diray dadkii ku dhintay, isagoo dhinaca kalena sheegay inay Xukuumad ahaan baadhayaan sababta keentay arrimahaa, isla markaana dadkii gubay guriga Taliyaha Qaybta Booliska lagu daba jiro oo sharciga la horkeeni doono.
Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews
WhatsApp + 252 63 442 5380
Send an SMS or MMS to + 252 63 442 5380